ئەمڕۆ لیژنەی باڵای ڕیفراندۆم کۆ دەبێتەوە
_-_Copy_(1)__2017_09_10_h14m32s28__HK.jpg)
هەولێر-KDP.info- ئەندامێکی لیژنەی باڵای ڕیفراندۆمی ھەرێمی کوردستان ئاشکرای کرد، بڕیارە دوای نیوەڕۆی ئەمڕۆ شاندی باڵای ڕیفراندۆمی ھەرێمی کوردستان کۆ ببێتەوە و تێیدا گفتوگۆ لەسەر چەندین پرس دەکرێت.
(ھاوکار محەمەد)، ئەندامی لیژنەی باڵای ڕیفراندۆمی ھەرێمی کوردستان بە ماڵپەڕی فەرمیی پارتی دیموکراتی کوردستانی ڕاگەیاند: ''بڕیارە دوای نیوەڕۆی ئەمڕۆ، سەعات ٢:٣٠ خولەک لە سەرۆکایەتیی ھەرێمی کوردستان لیژنەی باڵای ڕیفراندۆم بە سەرۆکایەتیی سەرۆکی ھەرێمی کوردستان، (مەسعوود بارزانی) کۆ ببێتەوە.''
(ھاوکار محەمەد) گوتیشی: ''لەو کۆبوونەوەیەدا باس لە چەند تەوەرێک دەکرێت، لەوانە ئەو دیدارانەی لە ماوەی ڕابردوودا لەبارەی پرۆسەی ڕیفراندۆمەوە ئەنجام دراون و ئەو بڕیارانەی لیژنەی باڵای ڕیفراندۆم داونی و ئەگەری ئەوە ھەیە، ئەگەر بە گونجاو زانرا، شاندێک دروست بکرێت بۆ سەردانی وڵاتان.''
بڵند ئیبراھیم
