پێدانا ڤیزا تورکیا بۆ خەلکێ دهۆکێ، هەر دوو حکومەت دمفادارن
دهۆک-KDP.info- کونسولێ گشتى یێ تورکیا ل هەرێما کوردستانێ راگەهاند، پێدانا ڤیزا تورکیا بۆ خەلکێ دهۆکێ گرنگیا خۆ یا بازرگانى هەیە و پتر خوشکرنا پەیوەندیایە، دەربارەیى ریفراندۆمێ ژى حکومەتا تورکیا هەڤکارە دگەل حکومەتا هەرێما کوردستانێ.
نڤیسینگەها پێدانا فیزا تورکیا بۆ وەلاتیێن دهۆکێ هاتە ڤەکرن، بۆ ڤێ مەرەمێ (محەمەد ئاکیف)، کونسولێ گشتى یێ تورکیا ل هەرێما کوردستانێ، بۆ مالپەرێ فەرمیێ پارتى دیموکراتى کوردستان گۆت، "لڤێ قۆناغێ ڤیزا تورکیا بیێ بەرامبەرە بتنێ کوژمەکێ پارەیى دێ وەرگریت بەرامبەر خزمەتگوزاریێن دئێنە دابینکرن".
(محەمەد ئاکیف) گۆتژى، "حکومەتا تورکیا هەڤکارە دگەل هەرێما کوردستانێ یە و ب شێوەکى فەرمى بوچوونا خۆ بۆ ئەنجامدانا ریفراندۆمێ دەربریە، بدیتنا من ئەڤ پێنگاڤە یا بێ مفا نابیت، هەر پێنگاڤەکا ئەم بهاڤێژین دێ برێکێن فەرمى بن".
(فەرھاد ئەتروشی)، پارێزگەرێ دھۆکێ ژلایەکێ دى ڤە، بۆ مالپەرێ فەرمیێ پارتى دیموکراتى کوردستان روونكر، "کەیفخوشم بەرامبەر ڤەکرنا نڤێسینگەھا کونسلخانەیا تورکیا بۆ پێدانا ڤیزا تورکا بو وەلاتیێن پارێزگەھا دھۆکێ، کۆ دێ گەلەک هاریکاریا خەلکێ پارێزگەھا دھۆکێ کەتن،ب تایبەت کەسانێن نەساخ و بازرگان و خەلکێ پێدڤی یێن ب سەرەدانا وەلاتێ تورکیا هەیى".
هەلز عەلى سەلیم
