مەکتەبی سیاسی پارتی، سەرەخۆشی لە خانه‌واده‌ی ئه‌حمه‌د شێخ له‌نگه‌ری دەكات

 

بەڕێزان خانه‌واده‌ی هه‌ڤاڵی خوالێخۆشبوو ئه‌حمه‌د شێخ له‌نگه‌ری

 

بەداخێکی زۆره‌وه‌ هه‌واڵی کۆچی دوایی پێشمه‌رگه‌ی گوڵان و هەڤاڵی تێکۆشەر و دڵسۆز (ئه‌حمه‌د شێخ له‌نگه‌ریی) بەرپرسی لیژنەی ناوچەی (دووز)ی پارتیمان پێگه‌یشت.

 

هه‌ڤاڵ ئه‌حمه‌د شێخ له‌نگه‌ری جگه‌له‌وه‌ی کادیرێکی رۆشنبیر و بەرپرسێکی سەرکەوتووی ناوچەی پارتیمان بوو، هاوکات وەکو پێشمه‌رگه‌یه‌کی دلێر و چاونەترسی سەنگەرەکانی روبەڕوبوونەوەی تیرۆریستانی داعش به‌شداری له‌ پاراستنی خاکی پیرۆزی کوردستان لەودەڤەرەدا کردووه‌.

 

لەم بۆنە خەمناکەدا پرسە و سەرەخۆشی لە بەڕێزتان و  کەسوکار و خزمانی عه‌شیره‌تی گلی و تەواوی هه‌ڤاڵ و دۆستانی پارتیمان له‌ سنووری لقی ٢٢ی گه‌رمیان ده‌که‌ین و هاوبەشی خەمتانین.

 

له‌ خودای گه‌وره‌ داواکارین سەبوری و ئارامی به‌ هه‌موو لایه‌ک ببه‌خشێ و هه‌ڤاڵی خوالێخۆشبوومان ئه‌حمه‌د شێخ له‌نگه‌ری به‌ به‌هه‌شتی به‌رین شاد بکات.

 

 

انالله‌ وانا الیه‌ راجعون

مەکتەبی سیاسی پارتی دیموکراتی کوردستان