"ھزار ٢٩٣ کوردێن ئێزدی ھاتینە کوشتن"
__2017_08_02_h16m33s56__HK.jpg)
دهۆک-KDP.info- رێڤەبەریا گشتی یا کاروبارێن ئێزدیان ل وەزارەتا ئەوقاف و کاروبارێن ئاینی یا حکومەتا ھەرێما کوردستانێ دوماھی ھژمارا ئێزدیان بەلاڤکرن کو تێدا ھاتیە د شەرێ داعشێ دا ھزار ٢٩٣ ئێزدی ھاتینە کوشتن.
ل گورەی ئامارا رێڤەبەریا ناڤبری کو ئەڤرۆ بەلاڤکرینە، و وێنەیەک بۆ ماڵپەرێ فەرمیی شاندیە تێدا ھاتیە، ھژمارا کوردێن ئێزدی بەرا ھاتنا شەرێ داعش ٥٥٠ ھزار کەس بوون ، بەلێ پشتی شەر درۆست بووی ژ وانان ٣٦٠ ھزار کەس ئاوارەیێ دەڤەرێن سەر ب ھەرێما کوردستانێ بوون ژ وانان ژی نێزیکێ ٩٠ ھزار کەسان قەستا دەرڤەیێ کوردستانێ کریە ، و ھزار ٢٩٣ کەس ژی ھاتینە کوشتن ، و دوو ھزار ٧٥٥ زاروک بێ دایک و باب بوینە.
د ئامارێ دا ئەو چەندە ژی خویارکریە، ھەتا نھا ٤٣ گورێن ب کوم یێن کوردێن ئێزدی ھاتینە دیتن ل گەل ھژمارەکا گورێن تاکە کەسی و ٦٨ مەزارگەھێن ئێزدیان ھاتینە تەقاندن.
هەر دەربارەی دوماهی ئامارا رزگاربووی و گرتیێن دەستی داعشێ د ئامارێ دا هاتیە: ژ سەرجەمێ شەش ھزار ٤١٧ کوردێن ئێزدی کو ژ وانان ھزار ٥٤٧ کچ و ژنن ژلایێ داعشێ ڤە ھاتینەگرتن و ھەتا نھا بتنێ سێ ھزار ٩٢ کەس ھاتینە رزگارکرن کو ئەو ژی ھزار ١٠٢ ژن و ٣٣٥ زەلام و ٨٤٨ زاروکێن کچ و ٨٠٧ ژی زاروکێن کوربوون.
کاروان باعەدری
