مەكتەبی سەرۆك، سەرەخۆشی لە خانه‌واده‌ی هه‌مزه‌ حه‌مه‌ئه‌مین رۆستایی دەكات

 

به‌ناوی خودای گه‌وره‌ و میهره‌بان

 

خانه‌واده‌ی خوالێخۆشبوو(هه‌مزه‌ حه‌مه‌ئه‌مین رۆستایی)

 

به‌دڵگرانیه‌كی زۆره‌وه‌ هه‌واڵی كۆچی دوایی پێشمه‌رگه‌ی شۆڕشی دووه‌می بارزان و كۆماری مه‌هاباد و ئه‌یلووی مه‌زن هه‌ڤاڵ (هه‌مزه‌ حه‌مه‌ئه‌مین رۆستایی)مان پێگه‌یشت.

 

هه‌ڤاڵ (هه‌مزه‌ حه‌مه‌ئه‌مین شێخۆ رۆستایی) یه‌كێك بوو له‌و خه‌باتكارانه‌ی ته‌واوی ژیانی له‌پێناو رزگاری و ئازادی نه‌ته‌وه‌كه‌ی ته‌رخان كردوه‌ و پێشمه‌رگه‌یه‌كی به‌وه‌فای كوردستان بووه‌ و هه‌میشه‌ ناوی ئه‌م پێشمه‌رگه‌یه‌ له‌ یاده‌وه‌ری نه‌ته‌وه‌كه‌مان وه‌ك شانازییه‌ك ده‌مێنێته‌وه‌.

 

سه‌ره‌خۆشی ئاراسته‌ی خانه‌واده‌ تێكۆشه‌ر و كوردپه‌روه‌ره‌كه‌تان و هه‌ڤاڵ و دۆستانی خوالێخۆشبوو (هه‌مزه‌ حه‌مه‌ئه‌مین رۆستایی) ده‌كه‌ین و خۆمان به‌ هاوخه‌می ئێوه‌ و خزم و كه‌سوكارتان ده‌زانین.

 

له‌ خوای گه‌وره‌ داواكارین دڵنه‌وایی به‌ هه‌موو لایه‌ك ببه‌خشێ خوالێخۆشبوویش به‌ به‌هه‌شتی به‌رینی خۆی شاد بكات.

 

 

انالله‌ وانا الیه‌ راجعون

مه‌كته‌بی سه‌رۆك

1ـی8ـی2017