نڤیسکارێن کورد ل سویدێ پشتەڤانێن ریفراندۆمێ نە
سوید-KDP.info- کۆمەلەیا نڤیسکارێن کورد ل سویدێ دبەیاننامەکێ دا پشتەڤانیا ریفراندۆمێ هەرێما کوردستانێ دکەن و ب ڤێ ئەنجاما ریفراندۆمێ پیرۆزباهێی ل تەڤاهیا گەلێ کورد دکەن.
ل (٧ــی حزیرانا ٢٠١٧) ـێ دا ب ئامادەبوونا (سەرۆک بارزانی) سەرۆکێ هەرێما کوردستانی و ئامادەبوونا لایەنێن سیاسیێن کوردی ژبلی تەڤگەرا گۆران و کۆمەلا ئیسلامی، بریارا هاتە دان کو (٢٥ـی ئەیلولا ئەڤ ساڵە) ریفراندۆم بۆ سەربەخۆییا کوردستانی بهێتە کرن.
د بەیانناما کۆمەلەیا نڤیسکارێن کورد ل سوید دا کو ماڵپەرێ فەرمیێ پارتی دیموکراتی کوردستان وێنەیەک ب دەست خستیە تێدا هاتیە، خەبات و بەرخودانی و قەهرەمانیا و فیداکارییا نەتەوەییا کورد و کوردستانیان یا ژ بۆ مافێن نەتەوەیی دیموکراتیە، و پێدڤییە و کو ب راسڤەکرن و نە دادپەرەوەرییا دیرۆکی ب ئەنجام بیت .
د بەشەکی دی یێ بەیاننامێ دا هاتیە، کو ریفراندنۆما سەربەخۆبوونا باشووری کوردستانێ دی بیتە پینگاڤا ئێکێ یا سەربەخۆبوونا کوردستانا مەزن، و دێ بیتە دەرفەتەکا راستڤەکرنا دیرۆکێ، و ئەم د وێ باوەرێی دانە، کو چەرجێ (٢١) ـێ، دێ بیتە چەرخێ کوردستانی.
ل (١١)ـی ڤێ مەهێ سەرۆکێ هەرێما کوردستانێ ،ل گەل شاندەکێ کو نووێنەرێن پێکهاتە و چەندین لایەنێن سیاسی تێدابوون، بۆ پرسا ریفراندۆمی بەرەڤ برۆکسلا پایتەختێ بەلجیکا برێکەفتن و چەندین مژارێن گرنگ ل گەل وان بەحسکرن و تەوەرێ سەرەکی یێ کۆمبوونێ ریفراندۆما کوردستانی بوو.
دبەشەکی دی یێ بەیاننامێ دا هاتیە، گەلێ کوردستانی دڤێ خەباتا خۆیا مافێ رەوا و روومەتا نەتەوەیی دا ، رەفێن یەکێتیێ و بەرخودانا خۆ ب هێزتر بکەن، دا کو بشێن ل هەمبەر هەر ئاستەنگییەکی بەرامبەری دوژمنی راوەستن، و بزاڤێن خۆ یێن ژ بۆ سەربەخۆبوونا گەشتر بکەن.
دبەیاننامێ دا ئەوچەندە ژی خویاکریە، کو نها پیدڤیا گەلین کوردستانی ژ هەموو دەمان پتر ب ئاشتیا نافخۆیی هەیە، ب سەربەخۆبوونا کوردستانێ نەخشەیێ کو بێی ئیرادەیا کوردستانی هاتیە کێشان دێ گهۆریت و دێ ڤێ نە دادپەروەێێ راستڤە کەت .
د دوماهیکا بەیاننامێ دا هاتیە، کۆمەلەییا نڤیسکارێن کورد ل سوید ب هیڤی و مزگینیا کوردستان سەربەخۆ و ئازاد بریارا ریفراندۆما نەتەوەیی کورد و ل هەموو کوردستانیان پیرۆز دکەت. و ئەم بریارا ریفراندۆمێ ژبۆ وەڵاتەکی سەربەخۆ و نەتەوەیەکی ئازاد و جڤاتەک دیموکراسی گەشە دکەین.
کاروان باعەدری
