سێ کچین دیتر یێن ئیزیدى رزگار بوون

شنگال-KDP.info- بەرپرسێ نڤیسینگەها رزگارکرنا کوردێن ئیزیدى ژدەستێن داعشێ گۆتى، نڤیسینگەها مە بەردەوامە درزگارکرنا کوردێن ئیزیدى ژدەستێ تیرۆرستێن داعشێ، بەرێ سپێدەیا ئەڤرۆ شیان سێ کچێن دیتر رزگار بکەن، ژمارا رزگارکریان پترن ژ 3هزار و 50 کەسان.

(حسێن قائیدى)، بۆ ماڵپەڕی فەرمیێ پارتی دیموکراتی کوردستانی راگەهاند:'' نڤیسینگەها مە بەردەوامە درزگارکرنا کوردێن ئیزیدى ژدەستێ تیرۆرستێن داعش، تا نوکە ژمارەکا باش رزگار بوونە، ئەڤرۆ سێ کچێن دیتر ل مووسل رزگار کرینە ب  ناڤێ (سوزان حەیدەر سەعید) و (زەهرا حەیدەر سەعید) و (ئەحلام خەیرو حەجى)، کۆ خەڵکێ باژێرێ سولاخ و حەردان سەر ب قەزا  شنگالن و نیزیکی سێ ساڵا بوو ددەستی وێ ڕێکخراوێ دابوون و هاتنە ڕزگاركرن.''

(قائیدی)، ئاماژە دا: ''ژمارا ڕزگار بوویێن کوردێن ئێزدی ژدەستێ داعشێ ٣٠٥٥ کەسن و نیزیکی ٣٣0٠ کەس ددەستێ داعشدا ماینە.''

ل ( ٣-٨-٢٠١٤ )ێ، کو داعش دەست ب سەر شنگال دا گرت، ژمارەیەکا زۆرا کوردێن ئێزیدى کەفتنە ددەستێ تیرۆرستێن داعشێ دا و دووڤدا نڤیسینگەها رەڤاندیێن کوردێن ئێزدی ل پارێزگەها دهۆک هاتە ڤەکرن، ئەڤ نڤیسینگەهە، سەر ب نڤسینگەها سەرۆکێ حکومەتا هەرێما کوردستانێ یە و شیان زێدەتر ژ ٣ هەزار کەسان ڕزگار بکەن و (حسین) گۆتژى: ''هەوڵ و بزاڤ دبەردەوامن بۆ ڕزگارکرنا خەلکى دیتر و هیچ لایەنەکی دى، نە حکوومەتا عێراق و نە جڤاکا نێڤدەوڵەتی هاریکاریا ئێزدییان نەکریە بۆ ڕزگارکرنا ڤان کەسان''.

هەلز عەلى سەلیم