پسپۆران: ریفراندۆما هەرێمێ شەرعیەتا نیڤدەولەتی وەرگرتیە

دهۆک-KDP.info- ب باوەرییا پسپۆرێن یاسایی و پەیوەندیێن نیڤدەولەتی ئەوە، ریفراندۆما هەرێما کوردستانێ شەرعیەتەکا مەزن یا هەی، چونکی مافەکی رەوایی مللەتەکی کوردە ژ لایێ یاسایی و نیڤدەولەتی ڤە ، و ئەڤ قۆناغە دەربازکرینە.

ب باوەریا (ئارام بالەتەیی)، مامۆستایێ زانینگەهێ کو، چۆنا شاندێ هەرێمێ بۆ برۆكسل وەرچەرخانەكا دیرۆکی یە د بزاڤا رزگاریخوازا كوردستانى دا، و پێنگاڤەگا گرنگە بەرەڤ ب دانپێدانا دەولەتێن زلهێز ب مافێن كوردستانێ ژ بوو راگەهاندنا دەولەتێ، نەخاسمە كو پێشوازیا شاندى هاتە كرن، ل  سەر ئاستێن بلند یێن فەرمى.

(ئارام بالەتیی)، پسپۆرێ پەیوەندیێن نیڤدەولەتی یە، بۆ ماڵپەرێ فەرمیی یێ پارتی دیموکراتی کوردستان گۆت:'' دیارە ئەڤرو بۆ جیهانا ئازاد باوەرى دروست بوویە ب شیانێن كوردستانێ ل شەرێ دژى تیرورێ، و حوكمرانیا كوردستانێ یا دویرە ژ توندڕەویێ، و ژلایەكی دیڤە دیار بوویە كوردستانێ شیانێن پاراستنا بەرژەوەندیێن هێزێن جیهانى هەنە، و دهەمان دەم دا كوردستان نە بوویە مەترسى ل سەر دەولەتێن هەڤسنور.

هارتنا چاڤدێران ژ ئالێی پەرلەمانێ ئەوروپا واتەیا شەرعیەتدانە و دانپێدانە ب ریفراندۆما هەرێما کوردستانێ و پیدڤی ب ڤێ پرسێ ژی (بالەتەیی) گوت:'' هنارتنا چاڤدێران بۆ سەرپەرشتیا ریفراندومێ گورزەكێ کوژەك بوو بۆ هەمى دوژمن و لایەنێن دژى ریفراندومێ، چونكە ئەڤ پێنگاڤە، دانپێدانەكا دەست پێكیە ژ بۆ باوەریا ئەوروپا ب مافێن كوردستانیا ژ بۆ راگەهاندنا دەولەتێ، ئەڤرو ئەوروپا پترى هەر دەڤەرەكا دى پرەنسیپێن دیموكراسیەتێ د پارێزیت، و ئەڤ مافێ كوردستان داخواز دكەت مافەكێ دیموكراسى یە.

ڤی پسپۆرێ پەیوەندێێن نیڤدەولەتی گۆتژی:''پشکدارییا نوینەرێن پێكهاتێن كوردستانێ د شاندێ ریفراندومێ دا رامانا دانپێدانا دەستەهەلاتا كوردستانێ یا بـەرفرەهـ رەنگیا جڤاكێ كوردستانێ و مافێن هەمى پێكهاتایە، و ئەڤ چەندە وێنێ كوردستانێ جوانتر لێ دكەت ل دەڤ جڤاكێ نیڤدەولەتى، وبەرچاڤكرنا شێوازەكێ لیبرالە، چونكو ئەڤرو چڤاكێ نیڤدەولەتى ب چاڤەكێ گرنگ تەماشەی مافێن كێم نەتەوا و ئاینا دکەت، و مافێن مروڤى وپرێنسیپین دیموكراسیەتێ و د كوردستانێ دا هەتا رادەیەكى دڤى بوارى دا یا سەركەفتى بوویە، كو كوردستان ل دەڤەرا روژهەلاتا ناڤین بویە جهێ پێكڤەژیانێ.

و هەر دڤی بیاڤی ژی دا(کارگەر عەبدوڵلا)، کو ماستەر ب یاسایین نیڤدەولەتی هەیە،بۆ ماڵپەرێ فەرمیی یێ پارتی دیموکراتی کوردستان گۆت:'' پیدڤیە دانوستاندن دەست پێ بکەن دناڤبەرا حکومەتا هەرێمێ و حکومەتا ناڤەند، ژبۆ کو پرسێن خۆیین شەرعی پێشکیشی وان بکەن، چونکی ئەڤە مافەکی رەوایێ مللەتێ کوردە، ئەگەر هەردوو گەهشتنە ریکەفتنەکێ ئەو شەرعیەت ترە، و ئەگەر نە گەهشتنە ریکەفتنێ کوردان ماف هەیە بێی یاسایێن وان سەربەخۆ بوونا خۆ رابگەهینن چونکە گەلەک وەڵاتان بێی گوهدان ب یاسا دەولەتبوونا خوە راگەهاندینە.''

(کارگەر عەبدوللا)، کو ماستەرنامەیا وی ل سەر رۆڵی نەتەوەیێن ئیکگرتی ب دانپێدانا وەڵاتایە،گۆتژی:'' کوردستانێ هەموو رێکارێن یاسایی و سیاسی دەرباز کرینە کەواتە پەیوەندیێن دبلوماسی ژی بووینە فاکتەرەکی بهێز کو بکارن رریفراندۆما سەربەخۆیێ ئەنجام بدەن.''

کاروان باعەدری