پشتیوان سادق: خەرجکردنی پارەی هاندانی مامۆستایان بەردەوام دەبێت
هەولێر-KDP.info- (پشتیوان سادق) وەزیری پەروەردەی هەرێمی کوردستان، لە کۆنگرەیەکی رۆژنامەوانیدا رایگەیاند، ئەو مامۆستایانەی 8 ساڵە بەڕێوەبەرن بۆ شوێنی دیکە دەگوازرێنەوە و مامۆستایانی پەروەردەی شارۆچکە و شارەدێکان لە شوێنیان دادەنرێن.
سەبارەت بە پارەی هاندانی مامۆستایانیش، وەزیری پەروەردە گوتی، "پێدانی پارەی هاندانی مامۆستایان بەردەوامە و نەوەستاوە".
(پشتیوان سادق) ئاماژەی بۆ ئەوەشدا، بەهۆی بوونی کەموکوڕی لە لیستی ناوی مامۆستایان هەندێک هەڵە لە چۆنییەتی دابەشکردنی ئەو پارەیە کرابوو، بەڵام ئێستا ئەو هەڵانەش راستکراوەنەتەوە.
