"سەرجەمێ ئێزدییان ل عیراقێ نێزیکی ٥٥٠ هەزار کەسانن؛ ٣٦٠ هەزار ئاوارەبووینە"
هەولێر-KDP.info- رێڤەبەریا گشتی یا کاروبارێن ئێزدییان ل وەزارەتا ئەوقافا هەرێما کوردستانێ دوماهێک ئامارێن بوویەرێن پشتی کارەستا شنگالێ ئەوا ل ٣ی ئابا ٢٠١٤ روودای بەڵاڤکرن.
د راگەهاندنا رێڤەبەریا کاروبارێن ئێزدییان دا هاتیە و وێنەیەک بۆ ماڵپەرێ فەرمییی یێ پارتی دیموکراتی کوردستان شاندیە، کو ژ سەرجەمێ ئێزدییان ل عیراقێ نێزیکی ٥٥٠ هەزار کەسانن ، ٣٦٠ هەزار کەس ئاوارەبووینە، و ١٢٩٣ کەس شەهیدبووینە ،و ٢٧٤٥ کەس ئێتیم بووینە .
د بەشەکی دی یێ راگەهدنێ دا هاتیە، هەتا نها ٤٣ گۆرێن ب کۆمەڵ هاتینە دیتن ، و ژبلی گۆرێن ب تاک"کت"،و رێکخستیا داعشێ ٦٨ مەزارگەهـ و نیشانگەهێن ئێزدییان پەقاندینە، و ئەو کەسێن ئێزدیێن کۆچبەربووین بۆ دەرڤەی وەڵآتی نیزیکی ٩٠ هەزار کەسانە.
هەر وەسان د بەشەکی دی یێ راگەهدنا کاروبارێن ئێزدییان دا ئەو چەندە ژی هاتیە ، کو ژمارەیا گرتێێن دەستی داعش ٦٤١٧ کەس بوون، و ٣٠٤٨ کەس هاتینە رزگارکرن، و هەتا نها ٣٣٦٩ کەس ددەستێ داعش دا ماینە .
کاروان باعەدری
