مەكتەبی سەرۆك، سەرەخۆشی لە خانەوادەی عەبدوڵڵا مەحموود ئاغا و مەلا سامی هیرانی دەكات
هەولێر-KDP.info- مەكتەبی (سەرۆك بارزانی)، لە دوو پرسەنامەی جیادا، سەرەخۆشی ئاڕاستەی خانەوادەی (عەبدوڵڵا مەحموود ئاغا) و (مەلا سامی هیرانی) دەكات.
بەڕێزان لە خانەوادەی عەبدوڵڵا مەحموود ئاغا..
دڵگران بووین بە بیستنی هەواڵی كۆچی دوایی كەسایەتیی دیاری شارباژێڕ و سوەیل، پێشمەرگەی شۆڕشی مەزنی ئەیلوول و پێشمەرگە سەرەتاییەكانی شۆڕشی گوڵان (عەبدوڵڵا مەحمود ئاغا)، كە دەكاتە مامی هەڤاڵ (هۆشیار عەزیز) بەرپرسی نووسینگەی كوردستان تیڤی لە سلێمانی.
هاوبەشی خەمتانین و سەرەخۆشیمان ئاڕاستەی خانەوادە و كەسوكارتان و خزمان و دۆستانتان دەكەین.
خودای گەورە ئارامی و دڵنەواییتان پێ ببەخشێ و خوالێخۆشبوویش بە بەهەشتی بەرینی خۆی شاد بكات.
انا للە وانا الیە راجعون
مەكتەبی سەرۆك
--------------------
بەڕێز مەلا سامی هیرانی..
بە بیستنی هەواڵی كۆچی دوایی هەڤاڵ (شێخ ئیسماعیل مەلا عەزیز) كەسایەتیی سیاسی و ئایینی و كۆمەڵایەتیی ناسراو، خەمبار بووین.
هاوبەشی خەمتانین و سەرەخۆشیمان ئاڕاستەی بەڕێزتان و خانەوادە و كەسوكار و خزم و دۆستانتان دەكەین.
خوای گەورە ئارامی و دڵنەواییتان پێ ببەخشێ و خوالێخۆشبوویش بە بەهەشتی بەرینی خۆی شاد بكات.
انا للە وانا الیە راجعون
مەكتەبی سەرۆك
