سه‌رۆك بارزانی فرانسۆ هوڵاند دۆستی گه‌لی كوردستانی به‌ڕێ كرد
هەولێر-KDP.info- رۆژی سێشه‌ممه 26ـی2ـی2019 سه‌رۆك مه‌سعوود بارزانی له رێگه‌ی فڕۆكه‌خانه‌ی نێوده‌وڵه‌تی هه‌ولێر، فرانسۆ هۆڵاند سه‌رۆكی پێشووی فه‌ره‌نسا و دۆستی گه‌لی كوردستان و سه‌رۆك بارزانی به‌سوپاس و رێزه‌وه به‌ره‌و وڵاتی خۆی به‌ڕێ كرد.
سه‌رۆك بارزانی سوپاس و به‌خێرهێنانی به‌ڕێز فرانسۆ هوڵاندی كرد و هیوای خواست هه‌میشه وه‌ك دۆستێكی پرسی ڕه‌وای گه‌لی كوردستان و به‌رده‌وام بن له‌په‌یوه‌ندیی و سه‌ردانی كردنی كوردستان.
رۆژی دووشه‌ممه 25ـی2ـی2019 له كاتی سه‌ردانیكردنی هه‌ولێر، له سه‌لاحه‌ددین سه‌رۆك بارزانی پێشوازی له فرانسۆ هۆڵاند سه‌رۆكی پێشووی فه‌ره‌نسا و دۆستی گه‌لی كوردستان كرد و له دیدارێكیدا دووباره سوپاسی پشتیوانی فه‌ره‌نسا و خودی سه‌رۆك هۆڵاند كرد و ستایشی ئه‌و هاوكاریی و په‌یوه‌ندییه‌ی كرد كه له شه‌ڕی دژ به تیرۆریستانی داعش پێشكه‌ش به كوردستانیان كرد.
له‌به‌رامبه‌ردا فرانسۆ هۆڵاند پێزانینی بۆ قاره‌مانێتی و بوێری و قوربانیدانی گه‌لی كوردستان و پێشمه‌رگه له‌شه‌ڕی دژ به داعش نیشاندا.
