سەرۆك بارزانی پیرۆزبایی جەژنی (جەمایێ)ـی ئێزیدییەكانی كوردستان و جیهان دەكات

 

هه‌ولێر-KDP.info-  له‌ په‌یامێكدا، سەرۆك بارزانی پیرۆزبایی جەژنی (جەمایێ)ـی ئێزیدییەكانی كوردستان و جیهان دەكات، ئه‌مه‌ ده‌قه‌كه‌یه‌تی:

بەناوی خودای بەخشندە و میهرەبان

بەبۆنەی هاتنەوەی جەژنی (جەمایێ)ـی ئێزیدی، پیرۆزبایی خۆم ئاراستەی هەموو خوشك و برایانی ئێزیدی لە كوردستان و هەموو جیهان دەكەم. هیوادارم ئەو جەژنە ببێتە هۆی خۆشی و ئارامیی خوشك و برا ئێزیدییەكان و بتوانن هەموو ساڵێك جەژن و خۆشییەكانیان لە ئاشتی و ئاسوودەییدا بكەنەوە.

هەر بەو بۆنەیەوە جەخت لەوە دەكەمەوە كە پێویستە هەموو لایەكمان كار بۆ قووڵتربوونی فەرهەنگی پێكەوەژیان و برایەتی و تەبایی نێوان پێكهاتە ئایینی و نەتەوەییەكانی كوردستان بكەین و بیپارێزین.

مسعود بارزانی

5ـی 10ـی 2018