لیوا ھەڵۆ نەجات: پلانێکی ئەمنیی تۆکمە بۆ سبه‌ی دانراوە.. ھیچ کێشەیەک لەئارادا نییە

 

لیوا (ھەڵۆ نەجات) بۆ ماڵپەڕی فەرمیی پارتی دیموکراتی کوردستان گوتی، "ھێزێکی ھاوبەشی ئەمنی لە شاری کەرکووک ئامادە کراوە و ئەمنیەتی خەڵک و بنکەکانی دەنگدان لە رۆژی ریفراندۆم دەپارێزن؛ لەئێستادا ھەموو ئامادەکارییەکان تەواو بوونە و ئەمنیەتی بنکەکان ڕادەستی ئێمە کراوە و دەپارێزرێن و ھیچ کێشەیەک لەئارادا نییە."

 

لیوا(ھەڵۆ) گوتیشی، "بنکەی دەنگدان لە ھەموو شارۆچكه‌ و شاره‌دێكانی سەر بە پارێزگای کەرکووک کراونەتەوە جگە لە حەویجە و خورماتوویش بە ھەمان شێوە بنکەی دەنگدان کراونەتەوە."

 

بەرپرسی ئاسایشی کەرکووک ده‌شڵێ، "پلانێکی ئەمنی تۆکمە دانراوە و بە ھەزاران پێشمەرگەش ئامادە کراون بۆ ئەوەی گەر پێویست بێت ھاوکاریمان بکەن."

 

 

بڵند ئیبراھیم