کۆمسیۆن؛ دەنگدانی ئەلکترۆنی بەبێ کێشە بەڕێوە دەچێت

ھەولێر-KDP.info- بەڕێوبەری گشتیی داتاکانی کۆمسیۆنی باڵای سەربەخۆی ھەڵبژاردن و ڕاپرسیی ھەرێمی کوردستان گوتی، پرۆسەی دەنگدانی ئەلکترۆنی بۆ کوردانی تاراوگە بەردەوامە و لە ھەموو وڵاتان خەڵک بەشدارە و تاوەکو ٢٥ی ئەم مانگەش بەردەوام دەبێت.

(کاروان جەلال) بە ماڵپەڕی فەرمیی پارتی دیموکراتی کوردستانی ڕاگەیاند: ''لە شەوی ڕابردووەوە پرۆسەی دەنگدانی ئەلکترۆنی دەستی پێ کرد و ئێستا لە ھەموو وڵاتان پرۆسەکە بەڕێوە دەچێت و تا ئێستاش ھیچ کێشەیەکمان بۆ دروست نەبووە و تا ڕۆژی ٢٥ی ئەم مانگەش بەردەوام دەبێت.''

بەڕێوبەری گشتیی قەوارە سیاسییەکانیش، (ژیار دزەیی)، بە ماڵپەڕی فەرمیی پارتی دیموکراتی کوردستانی ڕاگەیاند: ''ڕێژەیەکی باشی چاودێرانی نێودەوڵەتی و ناوخۆیی، خۆیان بۆ چاودێریکردنی پرۆسەی ڕیفراندۆم تۆمار کردووە و تۆمارکردنیشیان تا سبەیشەو بەردەوام دەبێت و  ئەو کات ئاماری فەرمیی دیار دەبێت، کە چەند چاودێر خۆیان تۆمار کردووە.''

بڵند ئیبراھیم