چاڤدێرەکێ سیاسی"ئەگەر سەربەخۆ بھێتە راگەھاندن دێ سەروەریا خاکا کوردستانێ ھێتە پاراستن"
دهۆک-KDP.info- شارەزا ئیماژە بڤێ چەندێ دکەن، کو شەھیدکردنا وەلاتیێن ھەرێما کوردستانێ بکار ئینانا خاکا ھەرێما کوردستانێ ژلایێ پارتا کرێکارێن کوردستانێ پەکەکێ و وەلاتێن جیران بۆ ڤێ چەندێ ڤەدگەڕیت ھەرێما کوردستانێ دەولەتا خوە نینە و پشتی ئەنجامدانا ریفڕاندۆمێ و راگەھاندنا دەولەتا سەربەخۆ دێ دوماھی بڤێ پرسێ ھێت.
( رەوان نھێلی)، رۆژنامەڤان و چاڤدێرێ سیاسی ب ماڵپەڕێ فەرمیێ پارتی دیموکراتی کوردستان راگەھاند" ئەف ئاریشەیێن نوکە پەکەکە بۆ ھەرێما کوردستانێ پەیدا دکەت و وەلاتێن جیران تۆپباران و بۆمبە بارانا دەڤەرێن ھەرێما کوردستانێ دکەن، ھەموو ژبەر نەبوونا دەولەتا سەر بەخۆیا کوردستانێ ڤەدگەڕیت، چونکە ئەگەر مە دەولەتا خوە ھەبایە و سەروەریا ئەڤێ دەولەتێ دا ھێتە پاراستن ژلایێ وەلاتێن دی یێن جیھانێ، حەفت وەلاتیێن سڤیل ب ئەگەرێ بۆرودومانا فڕۆکەیێن تورکیا شەھید بوون، ھەر وەلاتەکێ دیبایە دەنگڤەدانەکا مەزن و نێڤدەوڵەتی دا پەیدابکەت، لەوڕا ئەنجامدانا ریفڕاندۆمێ و بدەستڤە ئینانا دەولەتا سەربەخۆ دێ دوماھیێ ب ئەڤان ئاریشەیێن سنوری ئینیت.
ب ئەگەرێ ھەبوونا بنکە و بارەگایێن پەکەکێ لناف خاکا ھەرێما کوردستانێ بەھانە دایە دەست وەلاتێن دەوروبەر بەردەوام ھەرێما کوردستانێ بۆردۆمان و تۆپباران بکەن، بڤێ چەندێ ژی ھەتا نوکە چەندین وەلاتی بووینە قوربانی.
(دلشاد نەسرولا قەنجو)، مامۆستایێ زانکۆیێ لدۆر ھەبوونا پەکەکێ ل دەڤەرێن ھەرێما کوردستانێ بۆ ماڵپەڕی فەرمیێ پارتی دیموکراتی کوردستان دیار"ھەلبەت وەک خەلکێ دەڤەرا رێکان د ھەلویستێ حکومەتا ھەرێمێ دگەھین و دزانین فشارێن مەزن لسەر دەستھەلاتدارێن ھەرێمێ ھەنە کو وەلاتێن ھەڤسنوور و دەرەکی و پەکەکێ ب ئەنقەست ئاریشە و کێشەیان رەوانەی ھەرێمێ دکەن..ئەڤرو ئەم د چارچوڤێ وەلاتەکێ ھەلوەشیای و بێ سەروەری داینە و چ گرەنتی نینە.لەورا تەنھا رێکا بشێت سنوور و دەڤەر و خەلکێ مە بپارێزیت سەربەخۆیا کوردستانێ یە. کو دێ رێفراندۆما ٢٥/٩/٢٠١٧ڤی بابەتی ئێک لا کەت.چونکی ئەگەر دەولەت بین دێ شێین سنوورێن خۆ گرین و پارێزین و ببینە خودانێن لەشکرەکێ رێکخستی و فروکەیێن جەنگی و چەکێ پێشکەڤتی.و دێ چاڤدێری و پاراستنا دەڤەرێ ساناھی تر بیت.دیسا ل ناڤەندێن نیڤدەولەتی ب فەرمی وەک دەولەت سکالایێ سەر وان وەلاتان ھێنە تومارکرن یێن دەست درێژیێ دکەنە سەر ئاخا مە.دەربارەی ھەبوونا پەکەکێ ب دیتنا مە مەزنترین کێشەیە و دڤێت پشتی سەربەخۆیێ ب داگیرکەر بھێنە نیاسین ژبەر رەفتار و سیاسەتێن تووندێن وان و پەیداکرنا ئالۆزیان بۆ خەلک و حکومەتا ھەرێما کوردستانێ..دیسا ھەر ھێزەکا دەرڤەی سنووری ب زۆری بھێتە ناڤا کوردستانێ نابیت ب برا بھێنە تەماشەکرن و دەرکرنا وان پاراستنا سەروەری و ئاخا کردستانێ یە.سەبارەت ئاڤاکرنا دەڤەرا مە ئەم گەشبینین و ھیڤی دکەین بێ شەر و تووند و تیژی و ئاریشە ھێزێن پەکەکێ خۆ ڤەکێشن..ژ بۆ دەستێ ئاڤەدانکرنێ بگەھیتە دەڤەرێ . گومان تێدا حکومەتا کوردستانا سەربەخۆ درێغیێ ناکەت د ڤێ پرسێدا.
قائید میرۆ
