ژنێن شۆرەشگێر، ب دەولەتێ دێ بینە خودان بریار

دهۆک-KDP.info- ژنێن شۆرەشگێر پێشتەڤانیا خۆ بۆ ریفراندۆما سەربەخۆییا کوردستانێ راگەهاند، ژبەر وێ خەبات و ماندیبوونا د شۆرەشێن کوردیدا هەڤپشک بووین، دێ دەنگێ خۆ ب بەلێ بۆ ریفراندۆما سەربەخۆیا کوردستانێ دەن.

ژنا کورد هەر دەم ماندیبوون بۆ ئازادیا کوردستانێ دیتیە، ژبەر ڤێ ئێکێ وان ژى ئاخڤتنا خۆ بۆ سەربەخۆییا کوردستانێ هەبوویە، (عائیشا محەمەد)، ژنەکا شۆرەشگێر و ژ بنەمالەکا کوردپەروەر، بۆ مالپەرێ فەرمیێ پارتى دیموکراتى کوردستان گۆت:" لسەر دەمێ رژێما بەعسى ژنافچوویێ گەلەک هێرش دکرنە سەر مالێن مە، دهەمان دەمدا ئەم دەربەدەر و ئاوارە کرین، لێ ئەم د خەباتا خویا پێشمەرگایەتیێ دا دبەردەوام بووین، ئیرۆ دەم هات چارەنڤیسێ خۆ ب دەنگێ خو دیار بکەین، دا جارەکا دیتر تووشى دەردەسەرى و بن دەستیێ نەبینە ڤە".

(سافیا ئەحمەد)، ژنەکا دیتر یا شۆرەشگێر، خویاکر:" د هەر دوو شۆرەشێن ئەیلول و گولانێ دا، مە زیندان و دەربەدەرى دیتینە، پشتى سەرهلدانا پیرۆزا سالا 1991ێ، ژنوو بێهنا ئازادیێ ژ وەلاتێ مە هات، نوکە ژى ئەم یێ بۆ دەولەتا کوردى خۆ بەرهەڤ دکەین، ژبەر ڤێ ئێکێ ل 25ێ ڤێ هەیڤى، دى ب دەنگ و ب تلیلیا ژنەکا شۆرەشگێر بێژم بەلێ بۆ ریفراندۆما سەربەخۆیا کوردستانێ".

(لەیلا سەعید)، ژنەکا قەهرەمان و ژ بنەمالەکا کوردپەروەر و خەباتکەر، بۆ مالپەرێ فەرمیێ پارتى دیموکراتى کوردستان گۆت:" ئەز قۆتابیا رێبازا مەلا مستەفایێ بارزانیێ نەمرم و بەردەوامم لسەر خەباتا خۆ، ژ رەوشتێ وى ڤێرى خەبات و بەرخودانیێ بوویمە، کۆ هەر دەم دگەل شۆرەشێ بوویە و دێ ب دەولەتبوونێ بینە خودان بریار و دەستهەلات و دەسکەفتێن مەزن".

هەلز عەلى سەلیم