رۆژئاڤایێ کوردستانێ ب مەبەستا پشتگیریا ریفراندۆمێ دێ ئاهەنگان گێرن
رۆژئاڤایێ کوردستانێ-KDP.info- پشتی رەڤەندا کورد ل تەڤاهیا جیهانێ و کوردێن هەر چار پارچان پشتگیریا خۆ بۆ ریفراندۆمێ دیارکرین، کوردێن رۆژئاڤایی کوردستانێ ژی دێ ئاهەنگان گێرن ب ڤێ مەبەستێ.
(حەسەن ئەمین)، ژ رۆژئاڤایێ کوردستانێ و ئێک ژ رێکخەرێن ئاهەنگا پشتگیریا ریفراندۆمێ، بۆ ماڵپەرێ فەرمیی ێێ پارتی دیموکراتی کوردستان گۆت:'' چار ئەنجوومەنێن خۆجهی یێن ئەنجوومەنا نشتیمانی یا کورد ل سوریا (ئەنەکەسێ)، ل گوندێ (کفری دنا) ئاهەنگەکا مەزن یا جەماوەری بۆ پشتگیریا ریفراندۆمێ گێرن.
ناڤهاتی ئەو چەند ژی گۆت:'' هەر چەندە پەکەکە ل رۆژئاڤایێ کوردستانێ رێکێ ب مە نادەت، ئەم پشتگیریا خۆ ب تەمامێ بۆ ریفراندۆما هەرێمێ دیارکەین، بەلێ ئێرادەیا گەلێ مە ژ وان مەزنترە و ب هەموو شێوەیان دێ پشتگیریا خۆ بۆ ڤێ پرۆسەیا نەتەوەیی دیارکەین.
بەریا نها ژی کوردێن هەر چار پارچێن کوردستانێ و ئەنجوومەنا نشتیمانى یا کورد ل سوریا و چەندین لایەنێن دی یێن رۆژئاڤایێ کوردستانێ ب شیوەیەکی فەرمیی پشتگیریا خۆ بۆ ریفراندۆما هەرێما کوردستانێ ئەوا ل ٢٥ ڤێ مەهێ دێ ئێتە ئەنجامدان بۆ سەربەخۆییا کوردستانێ دیارکربوون.
کاروان باعەدری
