لقێ ئێکێ پارتی: دهۆک ناڤەندا ڤەژاندنا هزرا کوردایەتی و نیشتمانپەروەری و پێکڤەژیانێ یە

دهۆک-KDP.info- ب هەلکەفتا بۆرینا 50 ساڵیا پاڕێزگەهبوونا دهۆکێ، لقێ ئێکی پارتی دیار کر، پارێزگەهبوونا دهوكێ وەك سەنتەرەكێ گرنگێ دەڤەرا بەهدینان ب دەستكەفتەكێ نیشتمانى و نەتەوەیى یێ شورەشا ئەیلولێ ب سەركێشیا بارزانیێ نەمر د هێته‌ هژمارتن.

د بەیانناما لقێ ئێکێ پارتی دیموکراتی کوردستان کو دانەیەک بۆ ماڵپەرێ فەرمیی یێ پارتی ژی شاندییە و تێدا هاتیە، پارێزگەها دهوكێ ناڤەندا ڤەژاندنا هزرا كوردایەتیێ و نیشتمانپەروەری و پێكڤەژیانێ یه‌ و رۆلەكێ گرنگ گێرایه‌ د هەمى قوناغێن بزاڤا رزگاریخوازا كوردستانێ دا و پێشەنگ بوویه‌ د قوربانیدانێ دا پێخەمەت ئازادی و سەرفەرازیا ئەڤرۆ و دهۆك بوویه‌ پەناگەهەکا ئارام بۆ ئاواره ‌و لێقەومایێن دەڤەرێن دەورووبەرێن دهوكێ و خەلكێ وێ وه‌ك ئەركەكێ مرۆڤایەتى و نیشتیمانپەروەرى د هاریكار بووینه‌ د گەل دەربەدەر و ئاواران.

د بەیانێ دا ئاماژە دایە، دهۆک ژ دەڤەرەكا هەژار و نه‌چاڤدایى و كاڤلكرى بوویه‌ پشتى سەرهلدانا 1991 ب پشتەڤانیا حكوومەتا هەرێما كوردستانێ د وەرار و پشڤەچونێن بەردەوامدایه‌ ژ لایێ په‌روەردەیى و زانستى و ئابوورى و سیاسى و كەلتوری ڤه‌، دووباره‌ رۆژا پارێزگەهبوونا دهوكێ ل تەڤایا خەلكێ پارێزگەها دهوكێ پیروز دكەین.

کاروان باعەدری