هێزێن سنوورێ یێن ئیراقێ ئاریشەیان بۆ شنگالیان دروست دکەن
__2019_05_19_h15m35s3__ER.jpg)
شنگال-KDP.info- چاڤکانیەکی ژ شنگالێ ڕاگەهاند، ل دەرگەهێ سنووری یێ (بارێ) کو دکەڤیتە دناڤبەرا ئیراق و سوریا دا، کو دەرگەهەکی نەیێ بارزگانیە، بەلێ هیزێن سنووری یێن ئیراقێ کێشەیان بۆ شنگالیان دروست دکەن.
ئەوی چاڤکانی بۆ ماڵپەرێ فەرمیی یێ پارتی دیموکراتی کوردستان دیار ژی کر، د هەیڤا ئێک یا ئەڤساڵە دا، ئەوان هێزان دەرگەهـ ب سەر شنگالیان دا گرت، و چەندین جارە شنگالیان داخوازێ ژ وان دکەن، ئەوی دەرگەهـئ ڤەکەنە ڤە. بەلێ حکومەتا ئیراقێ گوهـ ل وان ناگرت.
دیار ژی کر، ئەو دەرگەهە هەم دەرگەهەکە کو هاتنووچۆنا ئاساییا یا خەلکێ بۆ رۆژئاڤایی کوردستانێ تێدا دهێتە کرن، و هەم ئەو دەرگەهەکە رێیا وان کەسانە یێن کو ژ دەستێ داعشێ ڕزگار دبن د وی دەرگەهی دا خۆ دگەهینە شنگالێ.
پێدڤی ب ڤێ یەکێ ژی، وەیس نایڤ، سەرۆکی جڤاتا قەزا شنگالێ ژی بۆ ماڵپەرێ فەرمیی یێ پارتی دیموکراتی کوردستان ڕاگەهاند، ئەڤە چەندین جارە ئەو هێزە ئاریشەیان بۆ خەلکی شنگالێ دروست دکەن و هەم باجێ ژی ژ وان وەردگرن، چەندین جارە ژی شنگالی خۆپێشاندانان ل دژی وان دکەن.
چەندین جاران شنگالیان ل دەرگەهێ سنووری (بارێ) خۆنیشاندانەک ل دژی وان هێزان ئەنجامدان و تێدا داخواز ژ وان هێزان کرن کو ئێدی ئەو دەرگەهـ بهێتە ڤەکرن.
کــاروان بــاعەدری
