بنگەهێ لالش: ل سەر مە هەمووان ئەرکە کار بۆ پاراستنا تایبەتمەندیا ئێزدیان د چارچۆڤێ کوردستانێ دا بکەین
دهۆک- KDP.info- بنگەهێ لالش یێ ڕەوشەنبیری و جڤاکی ڕاگەهاند، گرتیێن ئێزدی و دانپێدانانا نێڤ دەولەتی ب جێنۆساید و سزادانا تیرۆریستان گرنگترین ئارمانجێن مەیە.
ب هەلکەفتا ٢٦ـەمین سالڤەگەرا خوه بنگەهێ لالش بەیاننامەیه‌ک بەڵاڤکرینە و کۆپیەک بۆ ماڵپەرێ فەرمیی یێ پارتی دیموکراتی کوردستان شاندییە و تێدا هاتیە، بنگەهێ لالش دووپات دكەت كو دۆسەیا گرتی و بێ سەر وشوونێن ئێزدی پشتی دەست بسەرداگرتنا داعشێ بۆ شنگالا وێرانكری، دێ مینت ژ گرنگترین ئارمانجێن مە و بێ دەنگ نامینن و یا دشیانێن مە دا بت ل تەڤایا ئاستێن ناڤخۆیی و نێڤ دەولەتی ئەم دێ خەبتین بۆ رزگاركرنا هەر ئێكێ مای.
دبەشەکی دی یێ بەیاننامێ دا هاتیە، لسەر هەموو ئێزدیان ئه‌ركه كار بۆ پاراستنا تایبەتمەندیا ئێزدیان دچارچۆڤێ كوردستانی دا بكەن، ژبەركو كوردستان وەلاتێ ئێكێ و داویێ یێ ئێزدیایە.
بەیاننامێ دیار ژی کریە، بێگومان كو كێشەیا شنگال، كێشەیەكا ئێزدیان و كوردستانێ و عێراقێ بتنێ نینە، بەلكو ب مخابنی ڤە بوویە كێشەیەكا نێڤ دەولەتی، كو هندەك ئەجندەیێن نێڤ دەولەتی لسەر ئەردێ شنگالێ هەنە، و هه‌ر ئێك ژبۆ بدەستڤەئانینا به‌رژەوەندیێن خوه ل دەڤه‌رێ كار دكه‌ن، ئەم هەر رێگە چارەیەكێ بۆ دۆزا شنگالێ بێ رازەمەندیا ئێزدیان ژ خەلكێ شنگالێ رەت دكەین.
کـــاروان بـــاعەدری
