پارێزگارێ دهۆكێ: وەزارەتا پلاندانانا ئێراقێ دێ چەندین پڕۆژەیان ل دهۆکێ ئەنجامدەت

 

دهۆک-KDP.info- پارێزگارێ دهۆکێ ڕاگەهاند، وەزارەتا پلاندانانا حکومەتا ئیراقێ چەند پرۆژەیەک هەنە بۆ پارێزگەها دهۆکێ کو ئەنجامبدەت.

 

ئەڤرۆ سپێدێ، دووشەمبێ (29ـی نیسانا 2019)ــێ، د.نووری سەباح دلێمی، وەزیرێ پلاندانانا ئیراقێ گەهشتە پارێزگەها دهۆکێ، ب مەبەستا پشتەڤانیکرنا چەند پرۆژەیان.

 

فەرهاد ئەترووشی، د کۆنگرەیەکی ڕۆژنامەڤانی دا راگەهاند، هاتنا وەزیرێ پلاندانانا ئیراقێ بۆ پارێزگەها دهۆکێ بۆ چەند مەبەستان بوویە ئەوژی پشتگیریا سندۆقا گەشەپێدانا جڤاکی ئەوا هاتیە دانان، کو دێ چەندین پرۆژەیان ل پارێزگەها دهۆکێ پێ ئەنجامده‌ن ل وان جهێن رێژەیا هەژاریێ تێدا بلند.

 

پارێزگارێ دهۆکێ ئاماژەدا کو، ل دهۆکێ ژمارەیەکا زۆر یا ئاوارە و پەنابەران هەنە، ژبەر هندێ ژی پارێزگەها دهۆکێ رێژەیا هەژاری و بێکاریێ تێدا بلندە.

 

کـــاروان بــاعەدری