سبەی مەكتەبی سیاسیی پارتی كۆدەبێتەوە
ھەولێر-KDP.info- بەرپرسی مەكتەبی پەیوەندییەكانی دەرەوەی پارتی گوتی، بڕیارە سبەی مەكتەبی سیاسیی پارتی دیموكراتی كوردستان كۆببێتەوە و تێیدا تاوتوێی پێكھێنانی كابینەی نوێی حكوومەتی ھەرێمی كوردستان بكات.
ھۆشیار سیوەیلی، بە ماڵپەڕی فەرمیی پارتی دیموكراتی كوردستانی ڕاگەیاند: "ھەفتانە مەكتەبی سیاسیی پارتی دیموكراتی كوردستان كۆدەبێتەوە و سبەی پێنجشەممەش مەكتەبی سیاسیی پارتی كۆدەبێتەوە".
سیوەیلی گوتیشی: "لە كۆبوونەوەی سبەیدا، مەكتەبی سیاسیی پارتی دیموكراتی كوردستان تاوتوێی پێكھێنانی حكوومەتی نوێی ھەرێمی كوردستان دەكات".
بڵند ئیبراھیم
