تۆسنێ ڕەشید: گەرەکە رۆژنامەڤانیا کوردی هەلگرێ پەیاما سەرخۆبوونا کوردستانێ بیت.
دهۆک-KDP.info- رۆژنامەڤانیا کوردی ل سەردەمێ جیاواز دا و دقۆناغێن دژوارێن ژیانێ دا دەربازبوویە، و بوویە پرەک کو نڤیسیینا کوردی ژی ژ نەمانێ بهێتە پاراستن، نڤیسەر و رۆژنامەنڤیس ژی دبێژن، رۆژنامەڤانیا کوردی شیایە زمانی ژ بەرزەبوونێ ب پارێزیت.
١٢١ ساڵ دەربازدبن ب سەر دەرکەفتنا ئێکەم رۆژنامەیا کوردی ب ناڤێ کوردستان کو ل ٢٢ـی نیسانا ساڵا ١٨٩٨، یا کو ل قاهیرا پایتەختێ وەڵاتی میسرێ ژ ئالیێ بنەمالا بەدرخانیان ڤە دهاتە وەشاندن.
د ڤی بیاڤی ژی دا نڤیسەرێ مەزنێ گەلێ کورد ل سوفیەتا بەرێ(تۆسنێ ڕەشید) دبێژیت، رۆلەکی هەری مەزن هەبوو دگەهاندنا ئێش و ئازارێن گەلێن مە دا و نها ژی پێدڤیە ل سەر ڕێکا سەرخۆبوونا کوردستانێ ڕیچکا رۆژنامەڤانیێ بچین.
رۆژناما کوردستان گرنگییەکا مەزن ب بوارێن هزری و خواندن و مێژوو و ئەدەبیات و فەلسەفێ و هزرا نەتەوەیی دا و شیا هزرا نەتەوەیی و پرسا سەرخۆبوونێ د میشکێ تاکێ کوردییدا بچینیت، و پاشان نڤیسەر و ئەدیب دۆستا دەست ب نڤیسینا بەرهەمێ ئەدەبی یێن سەر پرسا سەرخۆبوون و گرێدایی ب نشتیمانپەروەرەی و کوردایەتیێ ڤە نڤیسان. تۆسنی وەسا گۆت.
ناڤهاتی بۆ ماڵپەرێ فەرمیی یێ پارتی دیموکراتی کوردستان گۆت ژی:'' رۆژنامەڤانیا کورد ى نها دئاستەکی باشدایە، و شیایە پەیاما گەلێ کورد هەتا رادەیەکی مەزن بگەهینیت و پێدڤیە تەڤاهیا سازیێن مەدیایی ژبۆ پەیاما سەرخۆبوونێ ڤێ ڕیكی بمەشینن و جوانیا زمانێ کوردی ژناڤچوونێ ب پارێزن.
هەر دهەمان بیاڤ ژی دا، نڤیسەر و رۆژنامەنڤیس سەعد سەباح، دبێژیت:''هەر ژ دەرکەفتنا ئێکەم ژماره ژ رۆژناما کوردی بناڤێ کوردستان هەتا ئەڤرۆ رۆژ خزمەتەک گەلەک مەزن پێشکێشی گەلەک ژ قۆناغێن ژیانا کوردا یا سیاسی و دیرۆک و ئەدەبی و.. هتد دماوێ پتری سەد سالی پری خزمەت کریە.
ناڤهاتی بۆ ماڵپەرێ فەرمیی یێ پارتی دیموکراتی کوردستان دبێژیت:'' تاکە دەرگەهـ بوویە کو پەخشانا کوردی (گوتار ب هەموو جورێن خۆڤە ، چیرۆک و شانۆگەری.. هتد) بهێز بکەڤیت و هەبوونا خۆ ژنەمانێ قورتال بکەت و سال لدیف سال زمانێ کوردی ژلایێ فەرهەنگێ ڤە دەولەمەند کرییە، سەرەڕای قورتالکرنا کەلتور و دیرۆک و ئەدەبیاتێن زارەکی, ئەوێن بۆ چەندین سالا دسینگێ باب و باپیران دا هاتی پاراستن, کو ژ هەناسێن داویێ یێن مرنێ هاتنە هەبوونێ.
هەر ژکەڤن دا و هەتا داوییا سەدێ نۆزدێ زمانی کوردی زمانێ نڤیسینا هەلبەست و پەخشان و گفتووگۆیێ بوو، پاشان دەرکەفتنا ئێکەم رۆژنامەگەرییا کوردی گرنگییەکا تایبەت هەیە د مێژوویا زمان و ئەدەبێ نەتەوەیێ مەدا، چونکی رۆژنامە لایەنەکێ گرنگ و کاریگەرێ ژیانا ڕەوشەنهزرییە، و دیاردەیەکا شارستانی و پێشکەفتنا گەلانە.
سەباحی دا دیارکرن ژی، ژئالیێ سیاسی ڤە ل باژێران و چیای ژی سەکۆیەک پڕ کاریگەر بوویە و بوویە زمانحالێ میللەتەکی ستەمدیتی و ستەملێکریی و ب تایبەت ل سەردەمێ گەرمیا شۆرەشاندا، مینا سەرهلدان و شۆرەشان و ب خامەیێ خەمخۆران بەرەڤانی ژدیرۆک و ئەدەبیات و وکەلتور و مافێن ڕەوایێن نیشتمانی و نەتەوەیی کرینە.
پشتی دەرکەفتنا رۆژنامەیێ دلێ هەموو نڤیسکاران خۆشبوو و نڤسیکارەک نڤسینەکێ ل دۆر دەرکەفتنا رۆژنامەیێ دنڤیسیت, ئەڤە ژی نڤیسنا کو ل رۆژنامەیا کوردستان هاتیە بەڵاڤکرن.
(حەیفا من گەلەک ژ کوردێ مە ڕە دهات، من شەڤ و رۆژ گازندە دکرن، چقا کورمانج هەنە حەمێ مێرو ژێهاتینە، چرە هۆلێ بێ مەعریفەت و سنعەت مانە، نڤیساندن و خوندنا حەمی کوردا چرە نینە، ئەز ل ناڤ ڤان کول و دەردا ژارو کال بیبم حەیری مابیم، نهۆ ژ خودێ تەعالا شوکر دکەم ئەو جەریدا تە ل سەر قنجیا کوردا دەرئێخستی و ژمەڕە ڕیکڕی، هات و کەتە دەست من، هەجکو چقا مرادێن من حاسڵ بین قنجی یێب ل سەر دنێدە حوقادبت، مەزنایی ل ڤی زمانی حوقا چێ دبت، وەکی ئەو جەریدە من خوەند، ئەز دەرحەقا دوعا و مەتحی تە حەیر مام، ئەز ژ خواندنا وێ تیڕ نەبیم، من گازی کورد و کورمانجیا کر، ژوانڕە خۆند ئەوژی گەلەک شابین، بەلکە ژ شابینی لالبین، لناڤ بەینا دوو سێ رۆژادە حەقێ بیست جەریدە یان دان هەڤ و ژمن را ئانین)
نها ل هەرێما کوردستانێ زێدەتری ١٣٠٠ دەزگەهێن رۆژنامەڤانی و ژ کەناڵین ئاسمانی و لۆکاڵی و گۆڤار و رۆژنەمەیان هەنە.
کــاروان بـــاعەدری
