جڤاتا وه‌زیران یا هه‌رێما كوردستانێ سه‌رسالا ئۆلا ئێزدیان (چوارشه‌مبوا سۆر) پیرۆز دكه‌ت
هەولێر-KDP.info- جه‌ژنا سه‌رسالا ئۆلا ئێزدیان (چوارشه‌مبوا سۆر) ل هه‌مى خوشك و برایێت ئێزدى ل كوردستانێ و ده‌رڤه‌ى وه‌لاتى پیرۆز دكه‌ین، بتایبه‌تى ژى ل وان خوشك و برا و مالباتێت ئێزدییا یێت كو د شه‌ڕێ داعشێدا كه‌سوكار و خۆشتڤى یێت خۆ ژ ده‌ست داین. هیڤیدارین جه‌ژنه‌كا خۆش و ئارام ده‌رباس بكه‌ن.
ئیسال جه‌ژنا چوارشه‌مبوا سۆر د ده‌مه‌كیدا ڤه‌دگه‌ڕیت كو ب ئێكجارى داوى ل تیرۆرستێت داعشێ هاتیه و هه‌مى جهـ و ده‌ڤه‌ر ژ وان هاتینه پاقژكرن. هیڤیدارن كو ڕه‌ڤاندى و وندایێت مه یێت ئێزدى و چاره‌نڤیسێ وان دیار ببیت و ئاشتى و ئارامى و ئاڤه‌دانى ڤه‌گه‌ڕێیته هه‌مى ده‌ڤه‌ریت ئێزدیا و تاونكارێت كو ئه‌ڤ هه‌مى تاوانه ل هه‌مبه‌رى خوشك و برایێت ئیزدى ئه‌نجام داى، بگه‌هنه سزایێ خۆ یێ دادپه‌روه‌رانه.
دوباره جه‌ژنا چوارشه‌مبوا سۆر ل هه‌میا پیرۆز بیت، ب هیڤى یا كو جه‌ژن و هه‌لكه‌فتنێت بێن، د ڕه‌وش و كاودانێت باشتردا ڤه‌گه‌ڕن.
جڤاتا وه‌زیران یا هه‌رێما كوردستانێ
16/4/2019
