پارە بۆ چاککردنی ئەم دوو ڕێگایە تەرخان کرا
ھەولێر-KDP.info- وەزیری دارایی حکوومەتی ھەرێمی کوردستان، پارەی بۆ چاککردنەوەی ڕێگای نێوان کۆیە-ھەولێر و کۆیە-سلێمانی تەرخان کرد، بڕی پارەکەشی له نووسراوەیەکدا ئاشکرا کرد.
لە رێککەوتی 3ى4ى2019 وەزارەتی دارایی و ئابووری دوو نووسراوی دەرکردووە کە واژۆی ڕێباز حەملان، وەزیری دارایی و ئابووریی حکوومەتی ھەرێمی کوردستانیان بەسەرەوەیە و لە یەکیاندا ھاتووە، ڕازین بە تەرخانکردنی بڕی 276 ملیۆن و 246 ھەزار دینار، بە مەبەستی پرۆژەی چاککردنەوەی ڕێگای نێوان کۆیە-ھەولێر و کۆیە–سلێمانی.
لە نووسراوەکەی دیکەشدا ئاماژە بەوە دراوە، ڕازین بە تەرخانکردنی بڕی 275 ملیۆن و 319 ھەزار دینار، بە مەبەستی پرۆژەی چاککردنەوەی ڕێگای نێوان ھیزۆپ–سکتان.
هه‌ڵكه‌وت محه‌مه‌د
