تەقەکەرەکەی بەردەم باڵەخانەی داواکاری گشتی دەستگیر کرا
__2019_04_03_h18m13s23__HK.jpg)
ھەولێر -KDP.info- گوتەبێژی پۆلیسی ھەولێر گوتی، دوای ئەوەی دوێنێ کەسێک لە بەردەم باڵەخانەی داواکاری گشتی تەقەی کردبوو، دەستگیر کراوە و ڕادەستی دادگا کراوە بۆ لێکۆڵینەوە.
گوتەبێژی پۆلیسی ھەولێر، ھۆگر عەزیز، بە ماڵپەڕی فەرمیی پارتی دیموکراتی کوردستانی ڕاگەیاند: "ئەو کەسەی دوێنێ لە بەردەم باڵەخانەی داواکاری گشتی تەقەی کردبوو، دەستگیر کراوە، کە تەنیا یەک کەس بووە و ڕادەستی دادگا کراوە بۆ ئەوەی لێکۆڵینەوەی لەگەڵ بکرێت."
ھۆگر عەزیز گوتیشی: "تاوەکو ئێستا دیار نییە ئەو کەسە بۆ تەقەی کردووە و لێکۆڵینەوە لەگەڵی بەردەوامە و چاوەڕێی ئەنجامی لێکۆڵینەوە دەکەین."
بڵند ئیبراھیم
