د. بەشیر: لە چەند كاتژمێری داهاتوودا نەوتی سپی بۆ ئاوارەكانی هەرێم ده‌نێردرێت
بەغدا-KDP-info- جێگری سەرۆكی پەرلەمانی عێراق رایگەیاند، دوای ھەوڵ و ماندووبوونێكی زۆر و پاش سەردانەكەیان بۆ لای وەزیری نەوتی عێراق، بڕیاری دا لە ماوەیەكی نزیكدا نەوتی سپی بۆ ئاوارەكانی هەرێمی كوردستان بنێرێت.
د. بەشیر خەلیل حەداد، بۆ ماڵپەڕی فەرمیی پارتی دیموكراتی كوردستان، گوتی: "سەبارەت بە دابینكردنی نەوتی سپی بۆ ئاوارەكانی هەرێم، سەردانی وەزیری نەوتی عێراقمان كرد و داوامان لێ كرد بە زووترین كات نەوت بۆ كەمپەكان دابین بكات".
جێگری سەرۆكی پەرلەمانی عێراق گوتیشی: "پێشبینی دەكەم لە چەند كاتژمێری داهاتوودا كاروانی نەوتی سپی بۆ كەمپی ئاوارەكانی هەرێمی كوردستان بنێردرێت، چونكە وەزیری نەوتی عێراق بڕیاری لەسەر داوە".
سیروان سابیر
