وەزیری دەرەوەی فەڕەنسا گەیشتە هەولێر

هەولێر-KDP.info-  ئێستا وەزیری دەرەوەی فەڕەنسا ژان لۆدریان گەیشتە هەولێر و لە لایەن سەرۆکوەزیرانی کوردستان نێچیرڤان بارزانی پێشوازی لێ کرا.

کەمێک پێش ئێستا وەزیری دەرەوەی فەڕەنسا ژان لۆدریان گەیشتە هەولێر و لە فڕۆکەخانەی نێودەوڵەتیی هەولێر لەلایەن سەرۆکوەزیرانی کوردستان نێچیرڤان بارزانی پێشوازی لێ کرا.
ئامانجی سەردانەکەی وەزیری دەرەوەی فەڕەنسا بۆ پتەوکردنی پێوەندی نێوان فەڕەنسا و هەرێمی کوردستانە و فەڕەنسا بەو دەوڵەتە ناسراوە لە ئاستی جیهاندا کە دۆستی هەرێمی کوردستانە و لە دوای رووداوەکانی ١٦ی ئۆکتۆبەر دا، فەڕەنسا یەکێک لەو وڵاتانە بوو کە رۆڵی کاریگەری هەبوو لە شکاندنی گەمارۆی دیپلۆماسی لەسەر هەرێمی کوردستان.
بڕیارە ئەمشەو وەزیری دەرەوەی فەڕەنسا لەگەڵ سەرۆکوەزیرانی کوردستان کۆببێتەوە.