په‌یامی پیرۆزبایی سه‌رۆك بارزانی بۆ 66ـه‌مین ساڵیادی دامه‌زراندنی یه‌كێتیی ئافره‌تانی كوردستان

 

هەولێر-KDP.info- سه‌رۆك بارزانی لە پەیامێکدا ٦٦ ساڵەی دامەزراندنی یەکێتیی ئافرەتانی کوردستانی پیرۆزدەکات و لە پەیامەکەدا ده‌ڵێ، دڵنیاین رێكخراوه‌كه‌تان له‌ئاینده‌دا ده‌بێته‌ به‌شێك له‌ فاكته‌ره‌كانی به‌ره‌وپێشچوونی كۆمه‌ڵگه‌ و كار له‌سه‌ر په‌روه‌رده‌یه‌كی دروست و خه‌باتێكی سه‌رده‌میانه‌ ده‌كات.

 

ده‌قی په‌یامی پیرۆزبایی سه‌رۆك بارزانی: 

 

به‌ناوی خودای گه‌وره‌ و میهره‌بان

 

به‌ڕێزان سكرتێر و ئه‌ندامانی مه‌كته‌بی سكرتاریه‌تی یه‌كێتیی ئافره‌تانی كوردستان

 

به‌بۆنه‌ی 66ـه‌مین ساڵیادی دامه‌زراندنی یه‌كێتییه‌كه‌تان یه‌كێتیی ئافره‌تانی كوردستان پیرۆزبایی گه‌رم ئاراسته‌ی ئێوه‌ و هه‌موو ئه‌ندامانی رێكخراوه‌ تێكۆشه‌ره‌كه‌تان ده‌كه‌م.

 

یه‌كێتیی ئافره‌تانی كوردستان هاوشانی رۆڵ و ئه‌ركی گرنگی بۆ چه‌سپاندنی مافی ئافره‌تان، مێژوویه‌كی پڕ له‌شانازیشی له‌خه‌باتی نه‌ته‌وه‌یی و نیشتمانی له‌سه‌رده‌می شاخ و دوای راپه‌ڕین هه‌بووه‌ و له‌ سه‌روه‌رییه‌كانی هێزی پێشمه‌رگه‌ی كوردستانیشدا ڕۆڵ و جێدەستیان دیارە.

 

دڵنیاین رێكخراوه‌كه‌تان یه‌كێتیی ئافره‌تانی كوردستان له‌ئاینده‌دا ده‌بێته‌ به‌شێك له‌ فاكته‌ره‌كانی به‌ره‌وپێشچوونی كۆمه‌ڵگه‌ و كار له‌سه‌ر په‌روه‌رده‌یه‌كی دروست و خه‌باتێكی سه‌رده‌میانه‌ ده‌كات.

 

دووباره‌ پیرۆزباییتان ئاراسته‌ ده‌كه‌م و هیوای سه‌ركه‌وتنتان بۆ ده‌خوازم

 

 

مه‌سعود بارزانی

 

11ـی12ـی2018