١٧ی تشرینی دووەمی ٢٠٢٦
پارتی دیموکراتی کوردستانئازادی، دیموکراسی، دادپەروەری
کوردستانی

باڵیۆزی نوێی فەرەنسا بۆ مەسروور بارزانی: سەرسامم بە پێشکەوتن و ئاوەدانیی هەولێر و کوردستان

سەرچاوە: KDP.info

ھەولێر-KDP.info- ئەمڕۆ سێشەممە 11/17، مەسروور بارزانی سەرۆکی حکوومەتی هەرێمی کوردستان، پێشوازی لە ئەلێکساندەر گارسیا باڵیۆزی نوێی فەرەنسا لە عێراق کرد.

سەرۆکی حکوومەت پیرۆزبایی دەستبەرکاربوونی لە باڵیۆز کرد و پشتیوانیی حکوومەتی هەرێمی کوردستانی بۆ سەرخستنی ئەرکە دیپلۆماسییەکەی دەربڕی و ئاماژەی بە پەیوەندیی و دۆستایەتیی لەمێژینەی فەرەنسا و هەرێمی کوردستان کرد و جەختی لە گرنگیی بەهێزترکردنی په‌یوه‌ندیی دوولایەنە لە بوارە جۆراوجۆرەکاندا کردەوە.

باڵیۆزی فەرەنسا، سوپاسی پشتگیری و پشتیوانیی حکوومەتی هەرێمی کوردستانی کرد و سەرسامی خۆی بە پێشکەوتن و ئاوەدانیی هەولێر و هەرێمی کوردستان نیشان دا و خواستی وڵاتەکەی بۆ برەودانی زیاتر بە پەیوەندییەکان لەگەڵ هەرێمی کوردستان دووپات کردەوە.

لە بەشێکی دیکەی گفتوگۆکاندا کە کونسوڵی گشتیی فەرەنسا لە هەرێمی کوردستان ئامادەی بوو ، بیروڕا لەبارەی پرۆسەی کاراکردنەوەی پەرلەمانی کوردستان و هەڵبژاردنی دەستەی سەرۆکایەتی پەرلەمان ئاڵوگۆڕ کرا. کە ئێستا وەک دامەزراوەیەکی باڵای شەرعی و یاسایی، چالاک بووەتەوە و دەستی بە کارەکانی کردووەتەوە.

هەواڵی پەیوەندیدار