د. مزگین محەممەد: کوردان ئەلتارناتیفێن هەین بۆ بریارێن وەلاتێن هەرێمی
دهۆک-KDP.info- مامۆستایەکی زانینگەهێ دبێژیت، کوردان چ شاشی نەکرینە، بتنێ بریارێن دەستووری و یاسایی جێبەجێکرینە و، پێشێلا هیچ یاسا و بریارێن نافنەتەوەی ژی نەکریە، کورد گەلەکە دخوازیت سەربەخۆ بیت.
(د. مزگین محەممەد) مامۆستای زانینگەهێ و پسپۆرە دبیاڤێ جوگرافیێ دا، بۆ ماڵپەرێ فەرمیی یێ پارتی دیموکراتی کوردستان گۆت: ''ئەڤا وەڵاتێن هەرێمی دکەن ب تایبەت ئیران و تورکیا و ئەو دژایەتی و ئەمبارگۆیا ل سەر هەرێمی و بریارێن شاش یێن پەرلەمێنتویا ئیراقێ، نها وەڵاتێن زلهێز و جیهانێ ل سەر ڤان کێشەیان هاتینە سەر هێلێ ئەڤە ژی دەستکەفتەکە بۆ کوردان."
د داوی سەرەدان دا، سەرۆکێ پەرلەمێنتۆیا ئیراقێ گەهشتە هەولیرێ و ل گەل (سەرۆک بارزانی) سەرۆکێ هەرێما کوردستانێ کۆمبوو، ( سەرۆک بارزانی)، ب سەرۆکێ پەرلەمێنتۆیا ئیراقێ راگەهاند، زمانێ گەف و سزایان نە یێ گونجایە، جەخت ل سەر رێکێن دیالۆگێ کر، پێدڤی ب ڤێ یەکێ ژی ڤی مامۆستایی زانینگەهێ دیارکر، کوردستانێ هەموو رێکێن دیموکراسی گرتینە بەر، و داخوازا دکەت هەموو ئاریشە ب رێکێن دیالۆگی بهێنە چارەکرن، و هەموو دەما سەرکرداتیا سیاسی یا کورد خواستیە دەرگەهێ دیالۆگی نەهێتە داخستن.
د بەشەکی دی یێ ئاخفتنا خۆدا ڤی مامۆستایێ زانینگەهێ ئاماژە ب وێ یەکر، ئەو خاڵین پەرلەمێنتۆیا ئیراقێ و ب تایبەت لڤاندنا هێزی بۆ دەڤەرێن کوردستانێ یێن دەرڤەی ئیدارەیا هەرێمی ئیراق نکاریت وان خاڵان جیبەجێ کەت، چونکی ژ ئالێێ نافنەتەوەیی دێ هێتە شەرمەزارکرن، چونکی ئەوان دهێتە کرن بەرامبەر گەلەکی یە.
گۆتژی: ''ئەمریکا ژبۆ ڤی کاری نها فەرەنسا راسپاردییە و سەرکێشیا جڤاتا ئەولەکاریێ دکەت و، نها ژی هێدی هێدی دانپێدانا جیهانی بۆ ریفراندۆم و پشتگیریا سەربەخۆبوونێ د زێدەبوونێ دایە وەک چاوان نها رووسیا هەلویستەک ئەرێنی و باش هەیە."
دەربارەیی وان بزاڤێن وەڵاتێن هەرێمی ب تایبەت و تورکیا و ئیران د خوازن هندەک گفاشان ل سەر هەرێمێ بکەن، (د. مزگین محەممەد) کە پسپۆرە دبیاڤێ جوگرافیێ دا گۆت: ''ئەڤ وەڵاتێن هەرێمی نکارن ڤێ ئەمبارگۆیێ ب دۆمینن، ئەگەر هاتە کرن ژی بۆ ماوەیەکی بیت و دێ هێتە شکاندن، چونکی کوردان بۆ وان ئەلتارناتیفێن هەین، ئەگەر تورکیا دەرگەهان بگریت، کوردان ژی دەرگەهێ رۆژئاڤایێ کوردستانێ یێ هەی، تورکیا راستە راست نکاریت دەرگەهێن سنووری دابخەت، چونکی دەڤەرێن سەر سنووری پەیوەندیێن ئابووری و کۆمەڵایەتی یین هەین، چونکی دەڤەرین سەر سنوری یێن تورکیا ب رووبەرەکی بەرفرەهـ یێن جوگرافی ژین و ژیارا وان ب خاڵێن سنووری یێن هەرێمی ڤە گرێدایە، ئەگەر خالێن سنووری هاتە داخستن، دێ ژ ئالیێ ئابووری ڤە رێژەکا مەزن یا بێکاریێ ل سەر تورکیا زێدەبیت، و گرتنا بۆرییا نەفتێ دێ زیان ب تورکیا گەهینیت."
کــاروان بــاعــەدری
