وەزیری وزەی ڕووسیا: نەوت و گازی هەرێم بە هێڵی بۆڕیی دەریای ڕەشەوە دەبەستینەوە
ڕووسیا-KDP.info- (ئه‌لیكسانده‌ر نۆڤاك)، وەزیری وزەی ڕووسیا دڵنیایی دەدات کە گواستنەوەی نەوت و گازی ھەرێمی كوردستان بە هێڵی بۆڕی دەریای رەشەوە دەبەستنەوە.
وەزیری وزەی ڕووسیا، (ئه‌لیكسانده‌ر نۆڤاك) ڕایدەگەیەنێت: ''نەوت و گازی هەرێمی کوردستان بە هێڵی بۆڕیی دەریای ڕەشەوە دەبەستینەوە و، سەرباری ئەو هەڕەشانەی تورکیا لە ڕاگرتنی نەوتی هەرێمی دەکات، کە بووەتە باسێکی ڕووسیا و جیهانیش، بەڵام ئێمە لە کارەکانمان لەگەڵ هەرێم بەردەوام دەبین.''
ئەو قسانەی وەزیری وزەی ڕووسیا لە لێدوانێکدا بۆ کوردستان ٢٤ هاتوون و لە درێژەدا دەڵێت: ''هێڵی نه‌وت و گازی كوردستان ده‌گه‌یه‌ننه بۆڕیی ده‌ریای ڕه‌ش و ئه‌مه‌ش وه‌ك ئاماژه‌یه‌كە بۆ به‌رده‌وامیی گواستنه‌وه‌ی نه‌وت و گازی كوردستان له ڕێگای توركیاوه.''
