رەڤەندا کورد ل ئەوروپا بۆ پشتگیریا سەرخۆبوونا کوردستانێ دێ خۆپێشاندان کەن

ئەڵمانیا-KDP.info- سەرکردەیەکی ئەنەکەسی ل ئەوروپا راگەهاند، وەکو وەفاداریەک بۆ خوینا شەھید و قوربانیێن گەلێ کورد ، ئەم بانگ ل رەڤەندا کوردی ل تەڤایا ئەورۆپا دکەین ژ بۆ لدارخستنا خوەپێشاندانان ل پێشیا بالیۆزخانە و قۆنسلخانەیێن ئەمریکا ل تەڤایا ئەورۆپا ژ بۆ پشتگریا بریارا دیرۆکییا گەلێ کورد ل باشوورێ کوردستانێیا ھاتی ستاندن ب ئەنجامدانا گشتپرسیێ و دیارکرنا مافێ چارەنڤیسێ خوە و ئاڤاکرنا دەولەتا خوەیا سەربخوە دێ خۆپێشاندان کەین.

(مەحەمەد ساڵەح)، بۆ ماڵپەرێ فەرمیی یێ پارتی دیموکراتی کوردستان گۆت:'' ژ بەر گوھەرتن و پێشھاتێن نھا ل کوردستانێ دبن، نەمازەیێن پشتی سەرکەفتنا پرۆسەیا گشتپرسیا دیرۆکییا ژ بۆنا سەرخوەبوونێ ھەڤدەم دگەل گڤاش و فشارێن مەزن و شەرێ پرۆپاگەندەیێن حکوومەتا ئیراقێ دگەل دەولەتێن ھەرێمیێن داگیرکەر ل دژی ئارمانجێن گەلێ کوردیێن ژ بۆنا بدەستخستنا ئازادی و سەرخوەبوونا خوە ئەمێ هەر تشت ژمە بێ ئەمێ بکەن.

گۆتژی:''وەک نوونەرتیا ئەنجوومەنا نشتمانییا کوردی (ئەنەکەسە) ل ئەورۆپا و دگەل پارتیا دیمۆکراتا کوردستانێ (پەدەکەسە)، و وەک ئەرکەکی نەتەوی و پێویست پشتگریا گەلێ مە ل باشوورێ کوردستانێ دبینن، لەورا ئەم گازیێ ل رەڤەندا کوردی و پارتیێن سیاسیێن کوردستانێ و رێکخستن و کۆمەلەیێن لاوان و سەرجەم سازی و کۆمیتەیێن کۆمەلگەھا سڤیل و رەوشەنبیر و مەدیاکاران دکەین کو رابن ب ل دارخستنا خوەپێشاندانان ل پێشیا بالیۆزخانە و قۆنسلخانەیێن ئامەریکا ل وەلاتێن لێ دژین، تەڤلی خوەپێشاندانا ل رۆژا دوشەمێ  ٩.١٠.٢٠١٧یا ل پێشیا ئاڤاھیا پارلەمەنتۆیا ئەورۆپا ل بەلژیکا (برۆکسل) ل دەمژمێر ١١:٠٠، ھێڤیدارن ژ ھەموو دلسۆز و خەمخوارن دۆزا خوە ل ھەمان رۆژێ ئامادە ببن ل پێشیا وان بالیۆزخانە و قۆنسلخانەیێن ئامەریکا دگەل ھلگرتنا ئالا کوردستانێ بتنێ لە پێشیا بالیۆزخانە و کۆنسلخانەیین ئەمریکا ل باژاراێن ئەڵمانیا ئەوژی باژارێ( بەرلین ، و فرانکفۆرت و دۆسلدۆرف و میۆنخ و هامبۆرگ).''

کـــاروان باعـــەدری