دهۆک، ۱۸۰۰ شەمالک وەک رێزگرتن ل خۆینا شەهیدان دێ ئێنە هەلکرن

دهۆک-KDP.info- خەلکێ پارێزگەها دهۆکێ ئاهەنگێن جەماوەری دناڤ باژێرێ دهۆکێ دا سازکرن، هەمان دەمدا ۱۸۰۰ شەمالک وەک رێزگرتن ل خۆینا شەهیدان دێ ئێنە هەلکرن.

پشتی ریفراندۆما سەربەخۆیا کوردستانێ سەرکەفتن تومارکری؛ چالاکڤان و خەلکی دهۆکێ دەست ب ئاهەنگێن سەرکەفتنێ کرن، (دێرسم تەحسین)، چالاکڤان دبوارێ مەدەنی دا، بۆ مالپەرێ فەرمیێ پارتی دیموکراتی کوردستان راگەهاند:" ل دەمێژمیری ۹٫۲٥ چرکە، ۱۸۰۰ شەمالک وەک رێزگرتن لریکەفتی ۲٥/ ۹، ژلایێ چالاکڤان و خەلکێ دهۆکێ ڤە دێ ئێنە هەلگرن وەک رێزگرتن ل خۆینا شەهیدێن شەرێ دژی تیرۆرستێن داعشێ".

(دێرسم تەحسین)، دا دیارکرن:" ئەڤرۆ بۆ خەلکێ کوردستانێ رۆژەکا دیرۆکی و شانازی بوو، ریفراندۆما سەربەخۆیا کوردستانێ سەرگرت، ئێدی هەمی دۆژمن نەجارن رێزێ ل ئیرادا گەلێ کوردستانێ بگرن".

(ریبار هەرکی)، وەلاتیەکی پشکداری ئاهەنگێن جەماوەری خۆیاکر:"ئەز بلندم دڤێ دیرۆکێ دا ئەز پەیدا بوویم، ژبەر ئەڤە دەستکەفتە نازڤریتە ڤە بۆ مللەتێ کورد و کوردستانێ، دهەمان دەمدا ئەڤە هەمی بەرهەمێ خەبات و ڕەنجا پێشمەرگەیێ قەهرەمان و خەلکێ خوراگرێ کوردستانێ یە و بەرهەمێ خۆینا شەهیدانە".

هەلز عەلی سەلیم