پێشمەرگەیێ کوردستانێ دلخوشن ب ئازادیا کوردستانێ

 

بەنداڤا مووسل-KDP.info- پێشمەرگەیێ زێرەڤانى گۆت، مە ب خۆینا شەهیدا کوردستان ئازاد کر، ئەڤرۆ ب دەنگێ خۆ دێ سەربەستى و ئازادیا خۆ هەلبژێرین.

(پێشتەڤان رەشید تاهیر) ئەفسەرێ ئێکێ و رێڤەبەرێ بنگەهێ بەتالیونا کوماندو زێرەڤانى، بۆ مالپەرێ فەرمیێ پارتى دیموکراتى کوردستان راگەهاند:" پێشمەرگەیێ بەتالیونا کوماندو و بەتالیونا بەرخودان ئێک بنگەهێ دەنگدانێ هەیە و 1022دەنگەدەرا مافێ دەنگدانێ هەیە، تا نوکە نیزیکى 800 پێشمەرگەیان دەنگێ خو دایە، یێن دیتر د خالێن سنورى دانە، ئەو ژى دێ دەنگێن خو بۆ ریفراندۆما سەربەخۆیا کوردستانێ دەن".

(پێشتەڤان تاهیر)، پتر بەحسکر:" پشتى مە ب خوین سنۆرێن کوردستانێ رزگار کرین، ئەڤرۆ ب دەنگێ خۆ ژى دێ چارەنڤیسێ خۆ و مللەتێ خۆ دیار کەین، دهەمان دەمدا ئەو لایەنێن سیاسى یێن دژى ریفراندۆمێ راوستیایین، ئەو ژى باشبوو ژ خەو رابووم و هاتنە بەرەیێ دروستێ ریفراندۆمێ، ئەڤ چەندە ژى پەیامەکە بۆ جیهانێ هەمیێ کۆ کورد هەمى ئێکن و دێ نیشتمان و مللەتێ خۆ پارێزن".

(دلدار فکرى)، پێشمەرگەیێ هێزا کوماندو زێرەڤانى خویاکر:"  ئەڤرۆ پشکدارى چارەنڤیسى مللەتێ خۆ بووم، چەوا بەرى نوکە پشکدارى دیارکرنا سنۆرێن کوردستانێ بوویم، دخوازم ئیتر کورد بەغدا بجه بهێلن و دەولەتا کوردستانێ بزووترین دەم بهێتە راگەهاندن".

(مەروان سەردار)، پێشمەرگەیێ زێرەڤانى خۆیاکر:" دەنگدان مافێ مەیە، کۆ هەر ئێک دێ ب ئازادیانە ژیانا خۆ دگەل کوردستانەکا ئازاد هەلبژیریت، ژبەر ڤێ ئێکى دلخوشم د وەلاتەکێ ئازاد و سەربەخۆ دا بژیم".

هەلز عەلى سەلیم