پێشمەرگەیێ کوردستانێ: ل سەنگه‌رێن به‌رگریێ به‌ره‌ڤ سندوقێن دەنگدانێ
دهۆک-KDP.info- دەنگدانا تایبەت ب پشکداریا (2796) پێشمەرگەیان ل دهۆکێ هاتە بڕێڤەبرن، پێشمەرگەی ب خوینا خۆ سنور دەست نیشانکرن، ئەڤرۆ ب دەنگێ خۆ بریارا چارەنڤیسێ خو دا.
ئەڤرۆ 25ێ ئەیلولێ، دەنگدان ل ریفراندۆما سەربەخۆیا کوردستانێ، بۆ دەنگدەرێن تایبەت و شارستانی هاتە ئەنجامدان، (بەیار رەشید)، رێڤەبەرێ بنگەهێ دەنگدانا تایبەت ل دهۆک، بۆ مالپەرێ فەرمیێ پارتی دیموکراتی کوردستان راگەهاند:" ل دەمژمێر 7 حەفتی سپێدێ دەنگدانا تایبەت دەستپێکریە، فەرماندەیا یەکا 41 دهۆک ل ئێک بنگەهێ دەنگدانێ پێک دئێت لسنورێ دهۆکێ، ب پشکداریا (2796) دەنگدەران".
(محمد رەشید وەرمێلی)، مقه‌ده‌مێ پێشمەرگه و نوونەرێ فەرماندەیا 41 دهۆک، بۆ مالپەرێ فەرمیێ پارتی دیموکراتی کوردستان گۆت:"دەنگدان ئێک ژ مافێن هەر تاکەكى كوردستانییه، پێشمەرگەیێ کوردستانێ ب شێوەکێ بەرفره یێ بەرەڤ سندوقێن دەنگدانێ ڤە دئێن، هه‌ر وه‌كى چه‌وا ب خوینا خۆ سنۆرێن کوردستانێ دەست نیشانکرن، نوکە ژی ب دەنگ و خامێ خۆ چارەنڤیسێ خۆ دێ دیارکەن".
هەلز عەلی سەلیم
