گوتەبێژی پۆلیسی سلێمانی: هاووڵاتییانی شارەکە پۆل پۆل بەرەو بنکەکانی دەنگدان دەچن
سلێمانی-KDP.info- گوتەبێژی پۆلیسی سلێمانی ڕایدەگەیەنێت، خۆشبەختانە تا ئێستا هیچ کارێکی نەخوازراو ڕووی نەداوە و هاووڵاتییانی سلێمانیش پۆل پۆل بەرەو سندووقەکانی دەنگدان دەڕۆن.
نەقیب (سەرکەوت ئەحمەد)، گوتەبێژی بەڕێوابەرایەتیی پۆلیسی شاری سلێمانی لە لێدوانێکیدا بۆ ماڵپەڕی فەرمیی پارتی دیموکراتی کوردستان ڕایگەیاند: ''چەند ڕۆژێکە وەک هێزەکانی پۆلیسی شاری سلێمانی دەستمان کردووە بە ئامادەسازی، لە پێناو باش بەڕێوەچوونی پرۆسەی دەنگدانی ڕیفراندۆمدا و هێزەکانمان چ لە ناو شار و چ لە بنکەکاندا ئامادەن و، خۆشبەختانە هیچ گرفتێک ڕووی نەداوە.''
لەمەڕ چوونی هاووڵاتییانی شارەکەش بۆ سەر سندووقەکانی دەنگدان، ناوبراو گوتی: ''هاووڵاتییانی شاری سلێمانی پۆل پۆل بەرەو بنکەکانی دەنگدان دەچن، تاوەکو لەم پرۆسە نیشتمانییەدا بەشداری بکەن.''
خێڵان بەختیار
