141 بنگەهێن دەنگدانێ بۆ دەشتی نەینەوا دئامادەنە

دەشتا نەینەوا-KDP.info-رێڤەبەری فەرمانگەها گشتی یا کۆمسیۆنا بلند یا هەلبژارتن و راپرسیان ل دەشتە نەینەوا دیارکر، کو هەموو ئامادەکاریێن تەکنیکی و لۆجستی دئامادەنە بتنێ سبەی مایە خەلک ب ئازادانە بچینە سەر سندۆقان و دەنگێ خۆ بدەن.

(سەعید جردۆ)، بۆ ماڵپەرێ فەرمیی یێ پارتی دیموکراتی کوردستان دیارکر، ل دەشتا نەینەوا ١٤١ بنگەهێن دەنگدانی هەنە، و دەزگەهێن ئەولەکاریێ ژی ژوانا ژی پێشمەرگە دکارن ل جهێ ئەو لێ کاردکەن دەنگێ خۆ بدەن،  هەموو ئامادەکەریێن تەکنیکی و لۆجستی هاتینە كرن، و پتر ژ ٣٠٠ هەزار کەسی ل ڤێ دەڤەرێ مافێ دەنگدانێ هەیە.

رێڤەبەری فەرمانگەها گشتی یێ کۆمسیۆنا بلند یا هەلبژارتن و راپرسیان ل دەشتە نەینەوا ئەو یەکە ژی زەلال کر، کو نها ژ ئالیێ ئەولەکاری ژی ڤە هەموو دئامادەباشیێ دانە، و ژ بۆ رۆژئاڤایێ دیجلە ژی هەموو بەرهەڤی هاتینە کرن، و ل شنگالێ ژی ٨ بنگەهــ هەنە، و ٦ ل سنورێ ناحیا سنوونی و ١  ژی ل سەنتەرێ شنگالێ و ١ ژی ل ناوچەیا سەردەشتی ل چیایێ شنگاڵی.

ل دوماهێی ئاماژە ب وێ یەکێ کر، ئەو ئاوارەێین کو ل سلێمانیێ و هەولێر و دهۆک بن ئەو ژی ل جهێ خۆ دکارن دەنگێ خۆ بدەن و چ کێشە بۆ وان دروست نابن.

کــــاروان بـــاعــــەدری