پۆلیسێن دهۆک: بۆ سبەی هەموو هێزێن ئەولەکاریێ دکاری دانە

دهۆک-KDP.info- بەرپرسێ پەیوەندی و راگەهاندنا پۆلیسێن پارێزگەها دهۆک گۆت:'' ب مەرەما کو ریفراندۆم د سەقایەکی ئارام دا برێڤە بچیت، مە وەک پۆلیسێن پارێزگەها دهۆکێ هەموو ئامادەکارێین ئەولەکاریێ گرتینە بەر.

(هێمن سلێمان)، بۆ ماڵپەری فەرمیی یێ پارتی دیموکراتی کوردستان گۆت:'' ژبۆ کو ریفراندۆم ل سەرتاسەری پارێزگەها دهۆکی ب ئارامی ب رێڤە بچیت مە هەموو ئامادەکارێین ئەولکاریێ گرتینە بەر، ژبۆ وێ یەکێ خەلک ب د سەقایەکی ئارام دا دەنگ بدەت.

بەرپرسێ پەیوەندی و راگەهاندنا پۆلیسێن پارێزگەها دهۆکێ زەلال ژی کر، کو هەر ژ سپێدەهیا ئەڤرۆ پۆلیس و ئەفسەرێن مە ل بنگەهێن دەنگدانێ نە، کو هژمارا وان ٦٩ بنگەهن، ژبۆ وێ یەکێ ئەڤ پرۆسەیە ب شیوەیەکی سەردەمیانە دئامادەبن ،و خەلک ب ئازادانە دەنگ بدەن.

(هێمن سلێمان)، دیار ژی کر، ل هەر جهێ دەنگدان هەبیت پۆلیسێن دهۆکێ و هێزێن دی ، ئەولەهیا وان د ستویێ مەدایە و هەموو ئامادەکاری هاتینە کرن و دێ ئەڤ پرۆسەیە ب شیوەیەکی هەری باش ب رێڤە چیت ل هەموو قەزا و ناحیان.

کــــاروان بــاعـــەدری