(734736) دەنگدەران مافێ دەنگدانێ ل دهۆکێ هەیە

دهۆک-KDP.info- کومسیونا بلندا هەلبژارتن و راپرسیان/ نڤیسینگەها دهۆک راگەهاند، هەمى بەرهەڤى بۆ دەنگدەران ل 25ێ ڤێ هەیڤێ، هاتینە دروستکرن ژبۆ دەنگێ بۆ ریفراندۆما سەربەخۆیا کوردستانێ، رێژا دەنگدەران ژى لسەر ئاستێ پارێزگەها دهۆکێ (734736) دەنگدەرن.

ئاوارەیێن کوردستانێ ( کوردێن ئیزیدى و شەبەک و عەرەب)، هەمیان مافێ دەنگدانێ بۆ سەربەخویا کوردستانێ هەیە، (جیهاد حەمید عیسى) بەرپرسێ راگەهاندنێ ل کومسیونا بلندا هەلبژارتن و راپرسیان ل نڤیسینگەها دهۆک، بۆ مالپەرێ فەرمیێ پارتى دیموکراتى کوردستان گۆت:" پازدە کەمپێن ئاوارەیان ل دهۆکێ سەرب مە ڤەنە و (107) هزار دەنگدەران مافێ دەنگدانێ هەیە و هەر کەمپەکێ بنگەهەکێ دەنگدانێ بۆ هاتیە ڤەکرن، ئاوارەیێن دەرڤەیى کەمپان (140) هزار دەنگدەران مافێ دەنگدانێ هەیە، ژبەر هندێ 24 بنگەهێن دەنگدانێ بۆ ئاوارەیێن دەرڤەیى کەمپان لسەر ئاستێ پارێزگەها دهۆکێ هاتینە ڤەکرن".

(جیهاد حەمید)، پتر بەحسکر:" دەنگدانا تایبەت ل 25ێ ڤێ هەیڤێ، دگەل دەنگدانا شارستانى یە و هێزێن پێشمەرگەیى ل جهێ خۆیێ لەشکەرى دێ دەنگ دەت، رێژا گشتى یا دەنگداران لسەر ئاستێ پارێزگەها دهۆکێ (734736) دەنگدەرن".

هەلز عەلى سەلیم