ئافرەتێک و دوو منداڵی دیکەی کوردی ئێزدی لە دەستی داعش ڕزگار کران
__2017_05_17_h20m14s46__HK.jpg)
شنگال-KDP.info- بەرپرسی نووسینگەی ڕزگارکردنی کوردانی ئێزدی لە دەستی داعش ئاشکرای کرد، ئەمڕۆ توانیان سێ کەسی دیکە لە دەستی داعش ڕزگار بکەن، کە ئافرەتێک و دوو منداڵ بوون.
(حوسێن قایدی) بە ماڵپەڕی فەرمیی پارتی دیموکراتی کوردستانی ڕاگەیاند: ''ڕزگارکردنی کوردانی ئێزدی لە دەستی داعش بەردەوامە و ئەمڕۆ توانیمان سێ کەسی دیکە لە مووسڵ لە دەستی داعش ڕزگار بکەین، کە ئافرەتێک و دوو منداڵی خۆی بوو، ئەوانیش تەمەنیان شەش ساڵ و چوار ساڵە.''
(حوسێن قایدی) گوتی: ''ڕزگارکردنی ئەو سێ کەسە بە ھاوکاریی نووسینگەکەی ئێمە و ھێزە ئەمنییەکانی دھۆک بووە و ھیچ لایەنێکی دیکە ھاوکاریی نەکردووین و مژدە دەدەینە خەڵکی خۆمان، کە لە ماوەیەکی نیزیکدا خەڵکی دیکەش ڕزگار دەکەین.''
(قایدی) گوتیشی: ''بە ڕزگارکردنی ئەو سێ کەسە تا ئێستا ٣ ھەزار و ٨ کەس لە دەستی داعش ڕزگار کراون.''
بڵند ئیبراھیم
