٣١٢٣ خێزان لە کەمپی یسیان و ١٣٥٠ خێزانی شارەدێی زومار هاوکاری کران
هەولێر-KDP.info- ٣١٢٣ خێزان لە کەمپی یسیان و ١٣٥٠ خێزانی شارەدێی زومار لە لایەن دەزگای خێرخوازیی بارزانییەوە هاوکاری کران.
دەزگای خێرخوازیی بارزانی و بەرنامەی جیهانیی خۆراک، مانگانە بەشەخۆراکی ٢٣ هەزار خێزانی ئاوارە دابین دەکەن و ئەمرۆ ١٦/٥/٢٠١٧ـیس بەشەخۆراکی مانگی پێنجی ئاوارەکان لە کەمپی یسیانی سەر بە قەزای شێخان بۆ ٣١٢٣ خێزان لە لایەن دەزگای خێرخوازیی بارزانی و بەرنامەی جیهانیی خۆراک دابین کرا.
بەرنامەی جیهانی خۆراک لە ساڵی ١٩٦١ دامەزراوە و لقێکی سەربە رێکخراوی جیهانی UN و گەورەترین رێکخراوی مرۆیی جیهانییە بەناوی hunger and promoting food security.
١٣٥٠ خێزانی شارەدێی زومار هاوکاری دەکرێن
لەلایەکی دیکەوە و هەرئەمڕۆ، دەزگای خێرخوازیی بارزانی و رێکخراوی unicef هاوکاری و پێداویستیی خاوێنکردنەوەیان بۆ ١٣٥٠ خێزان لە گوندی قەسرەجی شارەدێی زومار دابین کرد.
تیمەکانی دەزگای خێرخوازیی بارزانی بەردەوام لە ناوچە جیاجیا کاندا هاوکاریی ئاوارە و پەنابەران و کەسانی کەمداهات دەکەن، هەروەها بەمەستی رێگریکردن لە ئاوارەبوونی دانیشتوانی ناوچە تازەئازادبووەکان، پێداویستیی جۆراوجۆر بۆ ئەو ناوچانە دابین دەکەن.
