هێشتا سێ سەرکردەی ئەنەکەسە لە زیندانەکانی پەکەکەدان
رۆژئاوای کوردستان-KDP.info- لە ماوەی رابردوودا چەکادرانی پەکەکە لە ڕۆژئاوای کوردستان ١٣سەرکردەی ئەنجوومەنی نیشتیمانیی کوردی دەستگیر کردوون و ١٠لەوانە ئازاد کراون، بەڵام هێشتا سێ سەرکردەیان لە زینداندا ماون و چارەنووسیان نادیارە.
(خالید عەلی) بەرپرسی نووسینگەی ئەنەکەسە لە ھەرێمی کوردستان، بە ماڵپەری فەرمیی پارتیی دیموکراتی کوردستانی راگەیاند "ئەو سێ سەرکردەیە (فەسلە یووسف)، (موحسین تاھیر) و (ئەمین حەسام) ئەندامی ئەمینداریەتی گشتیی ئەنەکەسەن و چارەنووسیان نادیارە."
وەک (خالید عەلی) جەختی کردەوە، ئەو سەرکردانەیان بەبێ ھۆکار لەلایەن پەیەدەی سەربە پەکەکەوە دەستگیر کراون، تاکە ھۆکار ئەوەیە سەر بە ئەنەکەسەن وجیاوازتر لە پەکەکە بیر دەکەنەوە.
بڵند ئیبراھیم
