ئاساییشی ھەولێر: ھیچ چەكدارێكی سەر بە پەیەدە، لای ئێمە دەستگیر نەكراوە

 

ھەولێر-KDP.info- بەڕێوەبەری ئاساییشی ھەولێر ڕایگەیاند، "ھیچ شەڕڤانێكی بیانی كە لە رۆژئاوای كوردستاندا شەڕ دەكەن، لای ئێمە دەستگیر نەكراوە و ئەو ھەواڵە راست نییە".

(د. تاریق نووری)، بە ماڵپەری فەرمیی پارتی دیموكراتی كوردستانی راگەیاند، "ئەو دەنگۆیەی لەلایەن پەیەدەوە بڵاو بووەتەوە كە گوایە 9 شەڕڤانی ئەوان كە بە رەگەز بیانین و لەلایەن ئاساییشی ھەولێرەوە دەستگیر كراون، راست نییە و ھیچ كەسێكی ئەوان لای ئێمە نییە و ئەو دەنگۆیەیش هیچ بنەمایەكی نییە".

ئەمەیش لە كاتێكدایە، پەیەدە لە رێگەی راگەیاندنەكانەوە دەنگۆی ئەوەی بڵاو كردووەتەوە كە گوایە 9 شەڕڤانی ئەوان كە بە رەگەز بیانین و ویستوویانە بگەڕێنەوە بۆ رۆژئاوای كوردستان، لەلایەن ئاساییشی ھەولێرەوە دەستگیر كراون، بەڵام ئاساییشی ھەولێر ئەمە رەت دەكاتەوە.

 

بڵند ئیبراھیم