سەرۆک بارزانی بۆ بنەماڵەی محەممەدی مەلاکەریم: هاوبەشی خەمتانم
هەولێر-KDP.info- لە پەیامیدا بە بۆنەی کۆچی دواییەکەی، (سەرۆک بارزانی) هاوخەمیی خۆی بە بنەماڵەی نووسەر و ڕۆشنبیر و نیشتیمانەروەر و لێکۆڵەری ئەدەبی(محەممەد مەلاکەریم) ڕایدەگەیەنێ.
دەقی بروسكەی سەرەخۆشیی سەرۆك بارزانی بەبۆنەی كۆچی دوایی محەممەد مەلاکەریم
بەناوی خودای مەزن و دلۆڤان
بنەماڵەی بەڕێزی کاکە حەمەی مەلاکەریم
بەداخەوە هەواڵی كۆچی دوایی نووسەر و ڕۆشنبیری دڵسۆز و نیشتیمانەروەر و لێکۆڵەری ئەدەبی، مامۆستا حەمەی مەلاعەبدولکەریمی مودەریسمان پێ گەییشت.
لەم بۆنە خەمناکەدا لە دڵەوە سەرەخۆشی لە ئێوەی بەڕێز و کەسوکار و خزمان و ئاشنایانتان و سەرجەم ڕۆشنبیرانی کوردستان دەکەم و هاوبەشی خەمتانم.
لە خودای گەورە داواكارم گیانی کاکەحەمە بباتە بەر ڕەحمەتی خۆی و دڵنەوایی و ئارامییش بە هەموو لایەك ببەخشێت.
انا لله و انا الیه راجعون
مسعود بارزانی
١٢ـی ٣ـی ٢٠١٧
