سەرۆكی هەرێمی كوردستان پێشوازی لە سەرۆكی تەیاری غەددی سووریا دەكات
هەولێر-KDP.info- (سەرۆک بارزانی) لەگەڵ سەرۆكی تەیاری غەددی سووریادا، بارودۆخی سیاسی و ئەمنیی ناوچەكە و دواپێشهاتە سیاسییەكانیان لەسەر ئاستی ناوچەیی و نێودەوڵەتی تاوتوو کرد.
ڕۆژی دووشەممە 24ـی 10ـی 2016، لە سەلاحەدین، (مەسعوود بارزانی) سەرۆكی هەرێمی كوردستان پێشوازی لە (شێخ ئەحمەد ئەلجەربا) سەرۆكی تەیاری غەددی سووریا كرد.
لە دیدارەكەدا بارودۆخی سیاسی و ئەمنیی ناوچەكە و دواپێشهاتە سیاسییەكان لەسەر ئاستی ناوچەیی و نێودەوڵەتی تاوتوو كرا و ڕۆشناییش خرایە سەر ئاییندەی سووریا و هاوكێشە سەربازی و سیاسییەكانی ئێستای ئەو وڵاتە.
لە بەشێكی تری كۆبوونەوەكە سەركەوتنەكانی پێشمەرگە و هێزەكانی سوپای عێراق و بارودۆخی مەیدانیی بەرەكانی شەڕی دژی تیرۆریستان لە پارێزگای نەینەوا خرایە بەر باس و گفتوگۆوە.
