سەرۆک بارزانی و باڵیۆزی كوێت، دۆخی عێراق و پێوەندی نێوان هەرێم و کوێتیان خستە بەرباسەوە

هەولێر-KDP.info-  لەدیداریدا لەگەڵ سەرۆکی هەرێمی کوردستان، باڵیۆزی نوێی کوێت لە عێراق، خۆشحاڵی  خۆی بۆ سەردانی بۆ كوردستان و دیداری لەگەڵ سەرۆك بارزانی دەربڕی و هەرەها سڵاوی ئەمیری كوێتی بە سەرۆك بارزانی گەیاند و وێڕای ئاماژەدان بە پەیوەندییە مێژووییەكانی نێوان هەردوولا هیوای پێشكەوتن و ئارامیشی بۆ گەلی كوردستان خواست.

ڕۆژی پێنجشەممە 6ـی 10ـی 2016 لە سەلاحەدین مەسعوود بارزانی سەرۆكی هەرێمی كوردستان پێشوازی لە سالم غەسبان ئەلزمانان باڵیۆزی نوێی كوێت لە عێراق و شاندێكی یاوەری كرد.

لە دیدارەكەدا باڵیۆزی كوێت لە عێراق خۆشحاڵی  خۆی بۆ سەردانی بۆ كوردستان و دیداری لەگەڵ سەرۆك بارزانی دەربڕی و هەرەها سڵاوی ئەمیری كوێتی بە سەرۆك بارزانی گەیاند و وێڕای ئاماژەدان بە پەیوەندییە مێژووییەكانی نێوان هەردوولا هیوای پێشكەوتن و ئارامیشی بۆ گەلی كوردستان خواست.

لەبەرانبەردا سەرۆك بارزانی سوپاسی ئەمیری كوەیتی كرد و هیوای سەركەوتنیشی بۆ باڵیۆزی نوێی كوەیت لە عێراق خواست و ڕۆشنایی خستە بایەخ و پێگەی وڵاتی كوەیت و پێشوازیشی لە فراوانتربوونی پەیوەندییەكانی نێوان هەرێمی كوردستان و كوەیت كرد.

هەر لەم دیدارەدا بارودۆخی سیاسیی عێراق و ناوچەكە و شەڕی تیرۆر و سەردانەكەی سەرۆك بارزانی بۆ بەغدا و پەیوەندییەكانی نێوان هەردوولا خرایە بەر باس و گفتوگۆ.