سەرۆكی هەرێمی كوردستان پێشوازی لە سەرۆكی پێشووی ئیئتیلافی نیشتیمانیی سووریا دەكات

 

هەولێر-KDP.info- سەرۆكی هەرێمی كوردستان پێشوازی لە سەرۆكی پێشووی ئیئتیلافی نیشتیمانیی سووریا و سەرۆكی حزبی تەیاری غەددی سووریا كرد و لە دیدارەكەدا بیروڕا لەبارەی بارودۆخی سیاسی و ئەمنیی سووریا و دوا گۆڕانكاری و پێشهاتەكان و هەروەها هەڵوێستی كۆمەڵگەی نێودەوڵەتی و وڵاتانی هەرێمایەتی لەبارەی قەیرانی سووریاوه‌ ئاڵوگۆڕ كرا.

 

ڕۆژی پێنجشەممە 16ـی 6ـی 2016 لە سەڵاحەدین (مەسعود بارزانی) سەرۆكی هەرێمی كوردستان پێشوازی لە شێخ (ئەحمەد ئەلجەربا) سەرۆكی پێشووی ئیئتیلافی نیشتیمانیی سووریا و سەرۆكی حزبی تەیاری غەددی سووریا كرد.

 

لە دیدارەكەدا بیروڕا لەبارەی بارودۆخی سیاسی و ئەمنیی سووریا و دوا گۆڕانكاری و پێشهاتەكان و هەروەها هەڵوێستی كۆمەڵگەی نێودەوڵەتی و وڵاتانی هەرێمایەتی لەبارەی قەیرانی سووریا ئاڵوگۆڕ كرا.

 

هەر لەم كۆبوونەوەیدا ڕۆشنایی خرایە سەر ئاڵۆزیی ڕەوشی سووریا و پەیوەندیی نێوان گرووپ و هێزە چەكدارەكانی ناو سووریا و باسیش لە بارودۆخی مەیدانیی بەرەكانی شەڕ لەم وڵاتەدا كرا.