لە پەیوەندییەكی تەلەفۆنیدا سەرۆك بارزانی سەرەخۆشی لە بنەماڵەی ئەبولەیلا کرد

هەولێر-KDP.info-  لە پەیوەندییەكی تەلەفۆنیدا (سەرۆك بارزانی) سەرەخۆشی لە بنەماڵەی ئەبولەیلا کرد و،  شەهید ئەبولەیلای بە ڕۆڵەیەكی قارەمان و بوێری كۆبانێ وەسف كرد كە گیانی پاكی خۆی لە ڕێگەی بەرگری لە نیشتیمان و ئازادی گەلی كوردستان بەخت كردووە.

ڕۆژی پێنجشەممە 9ـی 6ـی 2016 مەسعوود بارزانی سەرۆكی هەرێمی كوردستان لە پەیوەندییەكی تەلەفۆنیدا لەگەڵ یوسف ئەبولعەزیز برای شەهید فەیسەڵ سەعدۆ ناسراو بە ئەبولەیلا سەرەخۆشی و هاوخەمیی خۆی بە خانەوادە و كەسوكاری شەهید ئەبولەیلا گەیاند كە لە شەڕی ئازادكردنی شاری منبج لە دەستی تیرۆریستان شەهید بوو.

هەر لەو پەیوەندییە تەلەفۆنییەدا سەرۆك بارزانی شەهید ئەبولەیلای بە ڕۆڵەیەكی قارەمان و بوێری كۆبانێ وەسف كرد كە گیانی پاكی خۆی لە ڕێگەی بەرگری لە نیشتیمان و ئازادی گەلی كوردستان بەخت كردووە.